Txikipedia:Errealitate birtual
Errealitate birtuala itxura errealeko eszena eta objektu simulatuen ingurunea da. Adierazteko ohikoena teknologia informatikoaren bidez sortutako inguruneari dagokio, erabiltzailearengan bertan murgilduta egotearen sentsazioa sortzen duena. Ingurune hori betaurreko edo errealitate birtualeko kasko moduan ezagutzen den tresna baten bidez ikusten da. Horrekin batera, beste gailu batzuk ere erabil daitezke, adibidez eskularruak edo jantzi bereziak, inguratzen gaituen errealitatearekin esperientzia errealagoa izateko.
Definizioa
[aldatu | aldatu iturburu kodea]
Errealitate birtuala terminoa 1980ko hamarkadaren amaieran zabaldu zen, Jaron Lanierrek, eremuko aitzindarietako batek. 1982an, W. Gibsonek ("Burning Chrome") sortu zuen ziberespazio terminoa. Entziklopedia Britainiarrak honela deskribatzen du errealitate birtuala "modelatuaren erabilera eta ordenagailu bidezko simulazioa, pertsona bati hiru dimentsioko ingurune sentsorial (3D) artifizial batekin edo beste ingurune sentsorial batekin elkarreraginean aritzeko aukera ematen diona". Gainera, esaten dute "errealitate birtualeko aplikazioek ordenagailuz sortutako ingurune batean murgiltzen dute erabiltzailea, eta ingurune horrek errealitatea simulatzen du gailu interaktiboak erabiliz, informazioa bidaltzen eta jasotzen dutenak eta betaurrekoak, entzungailuak, eskularruak edo gorputzerako jantziak bezala erabiltzen direnak".