The Birds

The Birds
Irudi gehiago
Jatorria
Argitaratze-data	1963
Izenburua	The Birds
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	beldurrezko zinema, zientzia-fikziozko filma, film dramatikoa, natural horror film (en) , misteriozko zinema, thrillerra, psychological horror film (en) , science fiction horror film (en) , abenturazko filma eta psychological thriller film (en)
Iraupena	115 minutu
Kolorea	koloretakoa
Deskribapena
Oinarritua	The Birds (en)
Honen parte da	National Film Registry (en)
Grabazio lekua(k)	San Frantzisko, Kalifornia eta Bodega
Zuzendaritza eta gidoia
Zuzendaria(k)	Alfred Hitchcock
Gidoigilea(k)	Evan Hunter (en) Daphne du Maurier [[Kategoria:Evan Hunter (en) idatzitako filmak]]
Antzezlea(k)
Rod Taylor Jessica Tandy Suzanne Pleshette Tippi Hedren Veronica Cartwright Charles McGraw Ruth McDevitt Ethel Griffies Lonny Chapman Karl Swenson Joe Mantell Alfred Hitchcock Elizabeth Wilson Jeannie Russell Bill Quinn (en) Doodles Weaver Richard Deacon Dal McKennon Darlene Conley Malcolm Atterbury (en) Morgan Brittany Doreen Lang [[Kategoria:Bill Quinn (en) antzeztutako filmak]] [[Kategoria:Malcolm Atterbury (en) antzeztutako filmak]]
Ekoizpena
Ekoizlea	Alfred Hitchcock
Konpainia ekoizlea	Universal Studios
Edizioa	George Tomasini (en)
Ekoizpen-diseinatzailea	George Milo (en)
Bestelako lanak
Musikagilea	Bernard Herrmann
Argazki-zuzendaria	Robert Burks (en)
Jantzi-diseinatzailea	Edith Head
Fikzioa
Kontakizunaren tokia	San Frantzisko eta Kalifornia
Historia
Jasotako sariak	Golden Globe Award for New Star of the Year – Actress (en)
Nominazioak	Efektu berezi onenen Oscar Saria 36. Oscar Sariak Ub Iwerks
kronologia
The Birds ⊟The Birds II: Land's End (en)

The Birds (euskaraz Txoriak) 1963ko Alfred Hitchcock zinema zuzendariaren suspensezko filma da, Daphne du Maurier idazlearen The Birds istorioan oinarritua; bertan, Rod Taylor, Tippi Hedren, Jessica Tandy, Suzanne Pleshette eta Veronica Cartwright aktoreek antzeztu zuten.

Kaliforniako Bodega Bay udalerrian filmatu zen.

1963ko Canneseko Zinemaldian lehiatu zen, eta Efektu berezi onenen Oscar Sarirako ere izendatua izan zen.

Argumentua

AEBetako San Frantzisko hiriko animalia-denda batean Mitch Brenner (Rod Taylor) abokatu gazteak eta Melanie (Tippi Hedren) emakume gazte eder, aberats eta harroputzak elkar topo egin dute. Mitchek Melanieri Bodega Bay jaioterrira joateko gonbidatu du (bertan haren ama Lydia eta Cathy arreba gazteena bizi dira), arrebaren urtebetetzea ospatzeko.

Jada Bodega Bay udalerrian, Melanieri kaio batek erasotu eta aurpegian zauria egin dio. Udalerriko andereñoak —Mitchez maitemindua da— bere etxean babes eman dio. Cathyren urtebeteze festan, kaio talde handi batek haurrei eraso egin die eta gero, arratsalde horretan bertan, Brennerdarren etxeari ehundaka etxe-txolarrek beste horrenbeste egin diote. Gertakari bitxi eta beldurgarri horien ondorioz, herritar guztiak izutu dira. Giro nahastu horren erdian, kaioek erasotu eta begiak kendu dizkieten giza gorpuak ere topatu dira

Bestalde, Melanie ikastetxera joan eta Cathy jasotzean, bele talde batek biei eraso egin eta auto batean babes hartu behar dute. Aurrerago, hiri guztia milaka etxe-txolarrek erasotu dute, igarotzen diren lekuak suntsitu eta jendea beldurtuz. Mitch eta Melanie, hainbat pasadizo iraganda, etxera itzuli dira. Egunsentian etxea laga dute: isiltasuna erabatekoa da. Autoan sartu eta norabait joan dira, atzean etxe-txolarrez andana batek isiltasunean eta geldirik begira dituztela.

Filmak ez du txorien nahasmenaz eta erasoez arrazoirik ematen, eta haien azalpena ikusleen esku uzten du.

Aktoreak

• Tippi Hedren - Melanie Daniels
• Rod Taylor - Mitch Brenner
• Jessica Tandy - Lydia Brenner
• Suzanne Pleshette - Annie Hayworth
• Veronica Cartwright - Cathy Brenner
• Ethel Griffies - Señora Bundy, ornitologoa
• Lonny Chapman - Deke Carter, jatetxearen jabea
• Elizabeth Wilson - Helen Carter
• Charles McGraw - Sebastian Sholes, jatetxeko arrantzalea
• Karl Swenson - Jatetxeko iragarle mozkortia
• Doreen Lang - Jatetxeko ama histerikoa
• Joe Mantell - Jatetxeko saltzaile-komertziala
• Ruth McDevitt - MacGruder andrea, animalia-dendako saltzailea
• Doodles Weaver - Arrantzalea
• Malcolm Atterbury - Udaltzaina
• John McGovern - Postetxeko langilea

Bitxikeria

Alfred Hitchcock zuzendariak, bere film gehienetan ohitura zuen bezala, horretan ere agerpen labur bat egin zuen, hasieran Tippi Hedren animalia-dendan sartzen ari dela, Hitchcock denda hartatik bi txakur zurirekin irteten ageri baita.

Iruditegia

• 
  Filmaren hasierako titulua.
• 
  Tippi Hedren.
• 
  Bodega Bayko ikastetxea gaur egun.

Kanpo estekak

• The Birds filmaren IMDBko fitxa irakurgai (Ingelesez)

• Datuak: Q110043
• Multimedia: The Birds (film) / Q110043