St Andrewsko Old Course

St Andrewsko Old Course
Irudi gehiago
Kokapena
Estatu burujabe	Erresuma Batua
Herrialdea	Eskozia
Eskoziako kontseilu gunea	Fife
Koordenatuak	56°21′05″N 2°48′58″W
Historia eta erabilera
Irekiera	1552 (egutegi gregorianoa)
Kirola	golfa

St Andrewsko Old Course (ingelesez: Old Course at St Andrews) Eskoziako St Andrews herriko golf zelaia da, munduko zaharrenetakoa, eta "golfaren sorlekua" kontsideratzen dena.

Historia

XV mendearen hasieratik jokatu izan da golfean eremu honetan baina 1457an Jakue II.a Eskoziakoak debekatu egin zuen kirol honetan aritzea. Jakue IV.a ordea oso golfzalea zen eta 1502an debekua bertan behera utzi zuen. 1552an John Hamilton artzapezpikuak St Andrewseko herritarrak joka zezaten golf zelaia eraiki zuen, St Andrewsko Old Course.

1754an Society of St Andrews Golfers ("St Andrewseko golflarien elkartea) eratu zuten 22 zalek, nobleek, irakasleek eta lurjabeek. 1797an ordea porrot ekonomikoa izan zuten eta udaletxeak zelaiak untxien hazkuntzarako erabiltzeko baimena eman zuen. Golfzaleen eta untxi haztaileen arteko borroka eta istiluak izan ziren hurrengo 20 urtetan, azkenean 1821ean James Cheape of Strathtyrum glofzaleak eremua erosi zuen. 1850 hamarkadan 18 zulotako zelaia diseinatu zuten Daw Anderson eta Tom Morris "zaharra" golflariek. Aurretik 22 zulotako zelaiak izaten ziren baina St Andrewsekoa erreferentzia bihurtu zen munduko zelai guztietarako.

1873tik aurrera The Open Championship lehiaketa jokatzen da, munduko zaharrena. Aipagarria da 17. zuloa, The Road Hole izenaz ezagutzen dena. Berezitasun batzuk baditu: Jokalariek ez dute zuloa zuzenean ikusten, greenaren aurrean hareazko oztopo arriskutsua du (Road Bunker) eta greenaren atzean trenbidea eta harrizko horma ditu.

The Open Championship

Erresuma Batuko Golf Irekia (The Open Championship) St Andrewsko Old Course zelaian jokatzen da gutxi gorabehera bost urtean behin. 1873 eta 1891 artean bi itzuli jokatzen ziren eta 1895etik aurrera lau itzuli.

Urtea	Irabazlea	Kolpeak
1873	Tom Kidd	179
1876	Bob Martin	176
1879	Jamie Anderson	169
1882	Bob Ferguson	171
1885	Bob Martin	171
1888	Jack Burns	171
1891	Hugh Kirkaldy	166
1895	J.H. Taylor	322
1900	J.H. Taylor	309
1905	James Braid	318
1910	James Braid	299
1921	Jock Hutchison	296
1927	Bobby Jones	285
1933	Denny Shute	292
1939	Dick Burton	290
1946	Sam Snead	290
1955	Peter Thomson	281
1957	Bobby Locke	279
1960	Kel Nagle	278
1964	Tony Lema	279
1970	Jack Nicklaus	283
1978	Jack Nicklaus	281
1984	Severiano Ballesteros	276
1990	Nick Faldo	270
1995	John Daly	282
2000	Tiger Woods	269
2005	Tiger Woods	274
2010	Louis Oosthuizen	272
2015	Zach Johnson	273
2022	Cameron Smith	268

Iruditegia

• 
  18. zuloa.
• 
  R&A and Hamilton Hall.
• 
  Road Bunker.
• 
  Swilcan zubia.

Kanpo estekak

• (Ingelesez) St Andrews opena

• Datuak: Q167245
• Multimedia: Old Course, St Andrews / Q167245