San Joan Bataiatzailearen eliza (Olaberria)
San Joan Bataiatzailearen eliza | |
---|---|
![]() | |
![]() | |
![]() | |
Kokapena | |
Herrialdea | ![]() |
Probintzia | ![]() |
Udalerria | Olaberria |
Koordenatuak | 43°01′39″N 2°12′13″W / 43.0275°N 2.20366°W |
![]() | |
Historia eta erabilera | |
Eraikuntza | XVII. mendea |
Erlijioa | katolizismoa |
Arkitektura | |
Estiloa | arkitektura barrokoa |
Ondarea | |
EJren ondarea | 4 |
San Joan Bataiatzailearen eliza Gipuzkoako Olaberria udalerrian dagoen eliza bat da. San Joan Bataiatzaileari sagaratua dago.
Kokalekua
[aldatu | aldatu iturburu kodea]Herrigunearen lekurik garaienean dago, muino batean.
Historia
[aldatu | aldatu iturburu kodea]Elizaren lehen erreferentziak 1568 urtekoak dira, ordurako eliza oso hondatuta eta berriketa batean beharrean zegoen.
Jatorriz txikiagoa zen, XVII. mendean handitze lanekin hasi ziren (Beasaingo Abaria harginek burutua) eta XVIII. mendean gangak, korua eta leihoak bukatutakoan, aldare nagusia egiten hasi ziren (1747an Bergarako Migel Irustak entregatu zuen). Elizaren beste berezitasun bat bere bataiarria da (XVI. mendea).
Eraikina
[aldatu | aldatu iturburu kodea]Elizaren egitura gorputz nagusi batean oinarritzen da, zeini gehigarriak ipintzen joan zaizkion historian zehar. Guztira 527 metro karratuko azalera osatzen du eraikinak bere osotasuenan.
Laukizuzen itxurako nabe nagusia abside batek amaitzen du, bertan aldarea eta korua daude. Nabe honetatik aldebietako sakristietara hel daiteke.
Esan bezala, gorputz nagusiari gehigarriak ipintzen joan zaizkio gaur egungo itxura lortu arte: Elizpea 1670. urtekoa da (XVIII. mende erdian berriztatua), dorrearen eraikuntza 1683 eta 1703 urteak bitartekoa da; bobeda berriak eta korua 1723 eta 1725 urteak bitartean amaitutakoak dira, erretaula nagusia berriz 1747koa da.
Aldare nagusiaren gainean erretaula errenazentista ikus daiteke. Honen erdigunean, satutegi gainean, San Juan Bautistaren irudia dago, eta alde banatara San Jose eta San Inazioren tailuak. Gurutzeratutako Kristoren busto batek koroatzen du erretaula, San Pedro, San Pablo eta lau aingeru aldamenean dituelarik.
San Juan Bautista eliza elementu babestu gisa ageri da Euskal Herriko “Behin-behineko Ondare historiko-arkitektonikoaren” zerrendan. Baita Gipuzkoako Foru Aldundiak eginiko kultura ondasunen zerrendan