Fausto Nekazaria

Fausto Nekazaria
	; Irudi gehiago
Bizitza
Jaiotza	Alguaire, VI. mendea
Herrialdea	Toledoko Erresuma bisigodoa
Heriotza	Alguaire, 604 ( urte)
Hezkuntza
Hizkuntzak	katalana
Jarduerak
Santutegia
	Urriaren 13

Artikulu hau Kataluniako santu mitikoari buruzkoa da; beste esanahietarako, ikus «Fausto (argipena)».

San Fausto Nekazaria santu kristau mitikoa da, Euskal Herrian eta Katalunian gurtza izan duena historikoki.

Kondaira

Kondairaren arabera, Fausto Alguairen (Katalunia) jaio zan. Gaztetatik egin omen zuen behartsuen alde. Sarrazeno edo musulmanek preso hartu zuren Mediterraneoan eta esklabo bihurtu zen jauntxo sarrazeno baten etxean. Baina otoitzaren bidez, nekazaritzako lanabesak lana bakarrik egiten jartzen zituelarik, nekeetatik libratu zen. Hortik nekazarien babesle izateko ospea^[1].

Santuaren erlikiak, bere gorpu ustelgabea, gorde eta gurtzen dituzte Bujanda herrian, Kanpezuko udalerrian. Joaquín José de Landázuri eta Romarate XVIII. mendeko historialari arabarraren kronikan kontatzen da nola iritsi zen Bujandara. Esklabotzatik askatuta, Kataluniara itzuli zen Fausto eta han agindua emana zuen, hiltzen zenean igo zezatela asto baten gainera, eta eraman zezala astoak atseden hartu beharreko puntu batera. Hil zenean, igo zuten astora, eta Kataluniatik abiatu ziren astoa eta Faustoren gorpua, eta Bujandaraino iritsi. Herriko maldetan, hiru aldiz belaunikatu zen astoa (zurezko hiru gurutze daude puntu horietan 21. mendietan); eta hirugarren belaunikatzearekin, han utzi zuen gorpua astoak. Puntu horretantxe dago eliza eraikia (ez ordea San Faustoren izenarekin, Andre Mariaren Jasokundearena baita), eta barruan San Faustoren gorputz ustelgabea^[2].

Urriaren 13an egiten da bere jai eguna. Basauri eta Durangon (non santuaren eguna den herriko jai nagusia) badira elizak bere izenarekin, Okeluriko baseliza dago Orozkoko bailaran^[1], eta beste bat Elorrion.

Erreferentziak

↑ ^a ^b «Gaur San Fausto eguna da» www.bizkeliza.org (Noiz kontsultatua: 2021-10-18).
↑ Abaitua, Joseba; Fernandez, Luistxo. (2021-04-01). «Kanpezura bisita (eta Sabandora, bide batez)» Eibar.ORG | Eibarko peoria (Noiz kontsultatua: 2021-10-18).

Kanpo estekak

Datuak: Q8960962
Multimedia: Fausto Labrador / Q8960962

[:0-1] «Gaur San Fausto eguna da» www.bizkeliza.org (Noiz kontsultatua: 2021-10-18).

[:1-2] Abaitua, Joseba; Fernandez, Luistxo. (2021-04-01). «Kanpezura bisita (eta Sabandora, bide batez)» Eibar.ORG | Eibarko peoria (Noiz kontsultatua: 2021-10-18).

[1]

[2]