Roman Jakobson

Roman Jakobson
Irudi gehiago
president of the Linguistic Society of America (en)
Bizitza
Jaiotza	Mosku, 1896ko irailaren 29a (juliotar egutegia)
Herrialdea	Errusiar Inperioa Txekoslovakia Sobietar Errepublika Sozialisten Batasuna Errusiako Sobietar Errepublika Sozialista Federatiboa Ameriketako Estatu Batuak
Talde etnikoa	askenazia
Heriotza	Cambridge eta Boston, 1982ko uztailaren 18a (85 urte)
Hobiratze lekua	Mount Auburn Cemetery (en)
Familia
Ezkontidea(k)	Soňa Haasová (en)
Hezkuntza
Heziketa	Faculty of History and Philology of Moscow University (en) College of Philosophy of the Prague German University (en)
Doktorego ikaslea(k)	Morris Halle (mul)
Hizkuntzak	ingelesa errusiera suediera norvegiera txekiera
Ikaslea(k)	ikusi Clarence Brown (en)
Jarduerak
Jarduerak	hizkuntzalaria, literaturan aditua, pedagogoa, historialaria, idazlea, kritikaria, irakaslea, filologoa, zientzialaria eta unibertsitateko irakaslea
Lantokia(k)	Brno eta Praga
Enplegatzailea(k)	Harvard Unibertsitatea Massachusettseko Teknologia Institutua Masarykova univerzita (mul)
Jasotako sariak	ikusi John Simon Guggenheim Memorial Foundation beka  (1946) Order of Tomáš Garrigue Masaryk, 2nd class Feltrinelli Prize  (1980) Hegel Prize  (1982) Ohorezko Legioko zalduna  (1947) honorary doctorate of the Masaryk University  (1968)
Kidetza	Serbian Academy of Sciences and Arts (en) Arteen eta Zientzien Ameriketako Estatu Batuetako Akademia Poloniako Zientzien Akademia
Zerbitzu militarra
Adar militarra	Czechoslovak army in exile (en)
Sinesmenak eta ideologia
Erlijioa	judaismoa

Roman Osipovitx Jakobson (Mosku, 1896ko urriaren 11 – Boston, 1982ko uztailaren 18a) errusiar hizkuntzalari eta filologoa izan zen.

Filologo gisa, errusiera eta hizkuntza eslaviarrak aztertu zituen bereziki eta, hizkuntzalaritzaren alorrean, estrukturalismoaren molde berriak urratu zituen. Hark sortu zuen Pragako eskola, Trubetskoi eta Karcevskij hizkuntzalariekin batera, Ferdinand Saussure hizkuntzalari suitzarraren teorietan oinarrituta. Errusierari eta eslaviera zaharrari buruz eginiko azterketen ildotik, fonologia estrukturalistaren oinarriak finkatu zituen. M. Halle eta G. M. Fant lankideekin fonologiaren teoria berritu zuen. Haurren hizkera eta afasia-arazoak ere izan zituen aztergai (Studies on Child Language and Aphasia). Orobat, hizkuntzalaritzaren eta poetikaren arteko harremanez egin zituen azterketak. Hark idatzitako lan nagusiak Selected Writings bilduman agertzen dira.

Komunikazioaren funtzioak

Hizkuntzalaritzako eskuliburu askotan agertzen da Roman Jakobsonen izena daraman komunikazioaren eskema, eta berari loturik komunikazioaren funtzioak: Jakobsonek sei komunikazio funtzio bereizi zituen, bakoitza bere eskemako komunikazio prozesuaren dimentsio bati loturik. (Bere eskema Karl Bühlerren teoriaren gainean eraikita dago):

Roman Jakobsonen komunikazioaren ereduaren eskema.

Funtzioak

• Erreferentzia funtzioa. (Testuinguruari egiten dio erreferenzia)
• Funtzio estetikoa/poetikoa. (Mezuari berari egiten dio erreferentzia)
• Funtzio adierazkorra. (Emozioak barrenetik kanporatzeari egiten dio erreferentzia)
• Deitze funtzioa. (Bokatiboa, deitzeari, aginteari egiten dio erreferentzia)
• Funtzio fatikoa. (Komunikazio bideak zabalik daudela ziurtatzeari egiten dio erref.)
• Funtzio metalinguistikoa. (Kodearen inguruan aritzeari egiten dio erref.)

Kanpo estekak

• Datuak: Q156201
• Multimedia: Roman Jakobson / Q156201