ROC 2020ko Udako Olinpiar Jokoetan
![]() | |
---|---|
2020ko Udako Olinpiar Jokoak | |
Hasiera data | 2021eko uztaila |
Amaiera data | 2021eko abuztuaren 8a |
Banderadunak | Sofia Velikaia |
![]() | |
|
ROC 2020ko Udako Olinpiar Jokoetan (ingelesez: Russian Olympic Committee) 30 kiroletan parte hartu zuten Errusiako 335 kirolarik ordezkatu zuen. Errusiaren zazpigarren agerpen jarraitua izango litzateke, baina Munduko Dopingaren Aurkako Agentziak erabaki zuen Errusiako kirolariek ezin zutela euren banderapean lehiatu, dopin eskandaluaren ondorioz. Atletek aukera izan zuten, hala ere, "Errusiako Komite Olinpikoaren" izenean lehiatzen, "ROC" akronimoa erabiliz[1].
Nazioarteko Olinpiar Batzordearen erabakiz, ezin izan zuten Errusiako bandera erabili ez eta Errusiako ereserkia jo irabaziz gero. Taldekideek "ROC" izena zeraman jantziak erabiltzen zituzten, baina bertan Errusiako banderaren koloreak zeuden[2]. Errusiako ereserkiaren ordez Katiuxa abestia proposatu zuten, baina NOBek ez zuen onartu; ordezko gisa, Piotr Ilitx Txaikovskiren 1. piano kontzertua jo zen[3][4].
Irekiera ekitaldian Sofia Velikaia eskrimalariak eta Maksim Mikhailov eskubaloilariak eraman zuten bandera[5]. Abdulrashid Sadulaev borrokalariak bandera eraman zuen itxiera ekitaldian[6].
ROCek 71 domina irabazi zituen, horietatik 20 urrezkoak. Bosgarren amaitu zuten, Britainia Handiko delegazioaren ondoren eta Australiako delegazioaren aurretik. Hala ere, zilarrezko dominetan hirugarren eta brontzezkoetan bigarren izan zen.
Erreferentziak
[aldatu | aldatu iturburu kodea]- ↑ (Ingelesez) «Russia banned from 2020 Tokyo Olympics and 2022 Beijing Games» Washington Post ISSN 0190-8286. (Noiz kontsultatua: 2021-08-12).
- ↑ (Ingelesez) Staff, Reuters. (2021-02-19). «Olympics: Russia to compete under ROC acronym in Tokyo as part of doping sanctions» Reuters (Noiz kontsultatua: 2021-08-12).
- ↑ (Ingelesez) «Tchaikovsky Selection To Replace Banned Russian Anthem At Tokyo, Beijing Olympics» RadioFreeEurope/RadioLiberty (Noiz kontsultatua: 2021-08-12).
- ↑ «Tchaikovsky music approved as replacement for banned Russian national anthem» www.insidethegames.biz 1619171659 (Noiz kontsultatua: 2021-08-12).
- ↑ «Russian Olympic chief says national team’s extended roster for Tokyo Games approved» TASS (Noiz kontsultatua: 2021-08-12).
- ↑ «Team ROC participates in Tokyo Olympics closing ceremony» TASS (Noiz kontsultatua: 2021-08-12).