Pointe-à-Pitre

Pointe-à-Pitre Pointe-à-Pitre Lapwent
Frantziako udalerria
Irudi gehiago
Administrazioa
Estatu burujabe	Frantzia
Eskualdea	Guadalupe
Izen ofiziala	Pointe-à-Pitre
Jatorrizko izena	Pointe-à-Pitre Lapwent
Posta kodea	97110
Geografia
Koordenatuak	16°14′28″N 61°31′59″W
Azalera	2,66 km²
Altuera	0 m
Mugakideak	Les Abymes eta Le Gosier
Demografia
Biztanleria	14.486 (2021eko urtarrilaren 1a) −12 (2020)
9.043 (b,4)   (G,5) 6.880
Dentsitatea	5.446 bizt/km²
Informazio gehigarria
Ordu eremua	UTC−04:00
Hiri senidetuak	Orly
pointeapitre.fr

Pointe-à-Pitre (frantsesez Pointe-à-Pitre, pwɛ̃tapitʁ ahoskatua; Antillako kreolez Lapwent, lapwɛ̃t ahoskatua) Frantziako Guadalupe itsasoz haraindiko eskualdeko hiria da. Hiria Grande-Terre uhartean dago.

Departamenduko hiriburua ez den arren, uharteko aglomeraziorik handiena osatzen du. Nazioarteko aireportua ere badu, Pointe-à-Pitrekon hain zuzen ere.

Geografia

Grande-Terre uharteko hego-mendebaldeko aldean dago, Karibeko itsasertzean. Rivière Salée ("ibai gazi") izeneko itsasertza, Grande-Terre eta Basse-Terre uharteak banatzen dituena, gertu du. Inguruan Les Abymes, Baie-Mahault eta Le Gosier udalerriak ditu. Kareharrizko ordoki batean kokaturik, Petit Cul-de-Sac Marin badiak portu babestua sortzen du.

Klima

Datu klimatikoak (Pointe-a-Pitre)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	29.1	29.1	29.4	30.1	30.7	31.3	31.5	31.6	31.5	31.2	30.5	29.6	30.5
Batez besteko tenperatura minimoa (°C)	19.9	19.9	20.4	21.7	23.1	23.8	23.8	23.7	23.3	22.9	22.1	20.9	22.1
Pilatutako prezipitazioa (mm)	84	64	73	123	148	118	150	198	236	228	220	137	1779
Iturria: World Meteorological Organisation (NBE)

Historia

Guadalupeko bi uharte nagusien lotunean kokaturik, frantziar agintari kolonialek aspalditik zebilen bertan hiri bat eratzeko asmotan, baina 1713 eta 1730 artean hainbat aldiz saiatu arren, ezin izan zuten, eremu zingiratsua zelako.

Britainiar okupazioan (1759–1763) zingiraren ondoko muino batean gotorleku bat ezarri zuten, frantziarren eskuetara itzuli zenean egungo hiriaren sorleku bilakatu zena. Gabriel de Clieu gobernadoreak 1764an hiria eratu eta inguruko zingirak drainatzeari ekin zioten.

1780an suak hiria suntsitu zuen eta 1843an lurrikara batek. Hondamendiak berriro gertatu ziren: suteak, 1850, 1871 eta 1931n; lurrikarak, 1851 eta 1897an; eta urakanak, 1865 eta 1928an. Kolera-epidemia batzuk ere jasan zituen.

Demografia

Pointe-à-Pitre udalerria zazpi udalerriz osaturiko aglomerazio baten hiriburua da, 1999ko erroldaren arabera 171.773 biztanle zituena. Hona hemen zazpi udalerriak:

• Les Abymes (63.054 bizt.)
• Le Gosier (25.360 bizt.)
• Baie-Mahault (23.389 bizt.)
• Pointe-à-Pitre (20.948 bizt.)
• Petit-Bourg (20.528 bizt.)
• Lamentin (13.434 bizt.)
• Goyave (5.060 bizt.)

Pointepitrear ezagunak

• Francky Vincent, abeslaria
• Rodrigue Beaubois, saskibaloi jokalaria
• Roch-Ambroise Auguste Bébian, hezitzailea
• Jean-Marc Mormeck, boxeolaria
• Firmine Richard, aktorea
• Lilian Thuram, futbolaria
• Stephane Zubar, futbolaria
• Laura Flessel-Colovic, eskrimalaria

Kanpo estekak

• Webgune ofiziala (Frantsesez)

• Datuak: Q335322
• Multimedia: Pointe-à-Pitre / Q335322

Artikulu hau Guadalupeko geografiari buruzko zirriborroa da. Wikipedia lagun dezakezu edukia osatuz.