Per Kirkeby

Per Kirkeby
Bizitza
Jaiotza	Kopenhage, 1938ko irailaren 1a
Herrialdea	Danimarka
Heriotza	Kopenhage, 2018ko maiatzaren 9a (79 urte)
Hobiratze lekua	Bispebjerg Cemetery (en)
Familia
Seme-alabak	ikusi Sophus Windeløv Kirkeby (en) ;
Hezkuntza
Heziketa	Kopenhageko Unibertsitatea
Hizkuntzak	daniera
Jarduerak
Jarduerak	margolaria, eskultorea, unibertsitateko irakaslea, artista grafikoa, geologoa, poeta, idazlea, film-zuzendaria, marrazkilaria, zinemagilea eta artista
	Parte-hartzailea documenta 7 (en) ; Documenta IX (en) ;
Enplegatzailea(k)	Johann Wolfgang Goethe-Frankfurt am Maingo Unibertsitatea
Lan nabarmenak	ikusi Beacon (en) ; Opera per Torino (en) ; A Romantic Picture (en) ;
Jasotako sariak	ikusi Prince Eugen Medal (1990) ; Knight of the Order of the Dannebrog ; Thorvaldsen domina (1987) ; Ingenio et arti (2001) ;
Kidetza	Suediako Arteen Errege Akademia; Sächsische Akademie der Künste (en) ; Royal Academy of Arts; Danish Academy (en)
Mugimendua	Neoespresionismoa

Per Kirkeby (Kopenhage, 1938ko irailaren 1a - ib., 2018ko maiatzaren 9a) Daniar pintorea izan zen.

Biografia

Natur zientzietako ikasketak egin zituen Kopenhageko Unibertsitatean. Ikasle-garaian espedizio geologiko askotan parte hartu zuen, Groenlandian, besteak beste. Paisaiak, koadro abstraktuak eta enviromment eta happeningak egin zituen. 1964an Artikoko Laugarren aroko geologiako lizentzia lortu zuen, eta lehen erakusketa egin zuen Kopenhageko Hovued Liburutegian. 1996-1967 urteetan New Yorken egon zen, eta erakusketak egin zituen Groenlandian, Tunisian, Erdiko Amerikan eta Asia Erdian. 1972tik aurrera erakusketak egin zituen bidaietatik ekarritako gauzekin. 1973an bidaia gehiago egin zituen Mediterraneoan, Islandian eta Turkian. 1978an irakasle aritu zen Karlsruheko Staatliche Akademien. 1967az geroztik poemak, ipuinak eta kontakizunak argitaratu, eta zientzia- eta arte-gaietako filmak egin zituen. 1960ko hamarraldiaren hasieran Arte Eskola Esperimentala lan taldean sartu zen. Taldeko artistak artearen salerosketaren aurka zeuden, eta taldearen izenean egiten zituzten erakusketak, taldekideen izenik agertu gabe. 1970eko hamarraldiaren hasieran, talde lanaz nekaturik, Alemaniara joan zen. Han gusturago aritu zen lanean, eta batez ere paisaiak egin zituen. Paisaia zientzia eta arte esperientziatzat zeukan, eta ohartzen zen paisaiak beragan eragiten zuen zirrara berak modu zientifikoan aztertu zituen indarrek eta formek eraginak zirela. Koadro batzuetan zirrara horiek ia abstraktuak dira, baina argiaren eta materialen erabilera izadiaren mundukoa da. Kirkebyk nabarmena du Turnerren eta Constableren eragina. Kopenhageko Opera berrian Kirkebyren eskulturak daude (2005).

Erreferentziak

Wikimedia Commonsen badira fitxategi gehiago, gai hau dutenak: Per Kirkeby

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q467462
Multimedia: Per Kirkeby / Q467462