Nerbio-sistema somatiko

Nerbio-sistema somatiko
Xehetasunak
Identifikadoreak
FMA	9904
	Terminologia anatomikoa

Nerbio-sistema somatikoa zentzumen organoetatik antzemandako informazioa hartu eta gihar eskeletikoak mugitzea baimenduko duen erantzuna bidaltzeaz arduratzen den nerbio-sistemaren atala da. Nerbio-sistema periferikoaren parte da eta borondatezko mugimenduen kontrolaz arduratzen da. Nerbio-sistema somatikoak gorputzari bere inguruarekin harremanean atxikitzen laguntzen dio.

Sistema honek muskulu eskeletiko, azal eta zentzumenen organoekin erlazionatutako neurona guztiak hartzen ditu barne. Muskuluen uzkurketarako, burmuineko seinaleak bidaltzen dituzten nerbio eferenteak ditu.

Nerbio-sistema somatikoa nerbio kranial eta bizkarrezurreko nerbioek osatzen dute.

Bizkarrezurreko nerbioak. Informazio sentsoriala bizkarrezur-muinean zehar NSZera garraiatzeaz arduratzen dira. Gorputzaren posizio eta gihar eta giltzaduren egoerari buruzko informazioa ere bidaltzen dute. Gihar eskeletikoaren kontrolerako bizkarrezur-muinetik aginduak jasotzen dituzte.
Nerbio kranialak. Buru eta lepoko informazio sentsoriala bidaltzen dute NSZera. Gainera, buru eta lepoko gihar eskeletikoaren kontrolerako aginduak jasotzen dituzte.