Nawal el Saadawi

Nawal el Saadawi
(2012) Irudi gehiago
Bizitza
Jaiotza	Kafr Tahla (en) , 1931ko urriaren 27a
Herrialdea	Egiptoko Erresuma  (192 -  1952) Egiptoko Errepublika  (1953 -  1958) Arabiar Errepublika Batua  (1958 -  1971) Egipto  (1971 -  2021)
Bizilekua	Kairo Ameriketako Estatu Batuak
Lehen hizkuntza	arabiera
Heriotza	Q12206266 , 2021eko martxoaren 21a (89 urte)
Familia
Ezkontidea(k)	Sherif Hatata (en)  (1964 -  2010)
Hezkuntza
Heziketa	Columbia Unibertsitatea 1966) : Osasun publiko Kairoko Unibertsitatea 1955) Bachelor of Medicine, Bachelor of Surgery (en) : pneumologia
Hizkuntzak	arabiera ingelesa
Jarduerak
Jarduerak	psikiatra, mediku idazlea, ginekologoa, eleberrigilea, politikaria, idazlea eta aktibista
Enplegatzailea(k)	Duke Unibertsitatea  (1993 -  1996)
Lan nabarmenak	ikusi Woman at Point Zero (en) The Fall of the Imam (en)
Jasotako sariak	ikusi Seán MacBride Peace Prize  (2012) Stig Dagerman Prize  (2011) North–South Prize  (2004) 100 Emakume (BBC)  (2015) Kataluniako Nazioarteko Saria  (2003) honorary doctor of the University of St Andrews  (1997) honorary doctor of the Université libre de Bruxelles  (2007) honorary doctor of the University of Tromsø honorary doctor of the University of Chicago [[]] 100 Emakume (BBC)
Sinesmenak eta ideologia
Erlijioa	islama

Nawal El Saadawi (arabieraz: نوال السعداوى‎, Kafr Tahla, 1931ko urriaren 27a - Kairo, 2021eko martxoaren 21a) egiptoar idazle feminista izan zen.

Biografia

Nawal El Saadawik txikitatik izan zuen idazteko zaletasuna eta trebetasuna, eta gaitasun hori emakumeen egoera ikusarazteko eta feminismoa sustatzeko lanak argitaratzeko erabili zuen.

1971n Emakumeak eta Sexualitatea ikerketa ospetsua argitaratu zuen Egipton; ondorioz, bere lan guztiak debekatu eta osasun-zerbitzuko zuzendari orokorraren kargua kendu zioten. Alabaina, feminismoaren alde lanean jarraitu zuen, eta emakumeen aldeko mugimendua Emakumeen Elkartasunaren Taldean bildu zuen. 1981ean espetxeratu egin zuten, Anwar al-Sadat lehendakariaren Jerusalemgo Bake Hitzarmenarekiko deadostasuna agertzeagatik, eta hurrengo urtean askatu zuten, Anwar al-Sadaten hilketatik hilabetera. Handik gutxira, Egipto utzi eta Londresera ihes egin zuen.

1979-1980 urteetan Nazio Batuen Erakundeko aholkulari izan zen Emakumea Afrikan eta Ekialde Hurbilean programan.

1981ean, berriz, espetxeratu egin zuten, Anwar al-Sadat lehendakariaren Jerusalemgo Bake Hitzarmenarekin ados ez egoteagatik. Hurrengo urtean utzi zuten aske, Anwar al-Sadaten hilketatik hilabetera.

1991n, islamisten heriotza-mehatxuak jaso ondoren, Estatu Batuetara erbesteratu zen, non Washingtoneko Unibertsitateko irakasle izan baitzen. 1996an Egiptora itzuli zen. Bertan emakumeen eskubideen aldeko aktibismoa alde batera utzi gabe jarraitu zuen eta, batez ere, idazten.

Lanak

Idatzi zituen eleberrien artean, batez ere aipatzekoak dira The fall of the imam (1987) eta God Dies by the Nile, non emakume musulmanek bizi dituzten desberdintasun-egoerak ageri baitiren.

Nolanahi ere, Searching (1968) da, beharbada, bere lanik ezagunena. Liburu horretan, amarekin bizi den hogeita hamar urte inguruko Fouada izeneko emakume kimikari baten istorioa kontatzen du. Egun batean, Farid maitalea ez da hitzordura agertuko, eta Fouadak mundua oinpean desegiten zaiola sentituko du; burua galduta, gizon maitatuaren bila hasiko da Kairoko kaleetan, eta bilaketa hori barruranzko bilaketa bihurtuko da. Horrela, agerian geratuko dira emakume izateagatik bizi izan dituen egoera tamalgarriak.

Sariak

• 2003an, Kataluniako Gobernuak Internacional Catalunya saria eman zion, zeinak kulturan, zientzian edo gizarte-gaietan ekarpen handia egin duten pertsonak saritzen baitituen.
• 2004an, ostera, Europako Kontseiluak North-South saria eman zion, giza-eskubideak eta hegoa eta iparraren arteko elkartasuna eta lankidetza sustatzen dituzten pertsonei ematen zaiena.

Kanpo estekak

• Datuak: Q238514
• Multimedia: Nawal El Saadawi / Q238514