Mikel Irizar

Mikel Irizar
	; (2017)
Topaguneko presidente	; 2012 - 2014
Topaguneko presidente
Bizitza
Jaiotza	Ormaiztegi, 1954ko otsailaren 10a (70 urte)
Herrialdea	Gipuzkoa, Euskal Herria
Bizilekua	Gazeta (Elorrio)
Familia
Familia	ikusi Garazi Hach Embarek (iloba);
Hezkuntza
Hizkuntzak	euskara; gaztelania
Jarduerak
Jarduerak	kargu publikoa eta bankaria

Mikel Irizar Intxausti (Ormaiztegi, 1954ko otsailaren 10a) euskalgintzako eragilea da. Gipuzkoako Foru Aldundian Hizkuntza Berdintasuneko zuzendari nagusia izan zen 2015eko uztailetik 2017ko abendura. Euskarazko hedabideetako iritzigile ezaguna ere bada.

Biografia profesionala

Ormaiztegin jaioa izan arren, Arrasaten ari zelarik lanean Kutxa aurrezki-kutxan, Debagoieneko herri honetako euskalgintzan sartu zen buru belarri 1980ko hamarkadan. Arrasate Euskaldun Dezagun (AED) elkartearen baitan, Arrasate Press astekariaren sorreran hartu zuen parte, baita Arrasate Telebistarenean ere, 1988tik aurrera. Debagoieneko euskarazko hedabideen garapen eta hedapenak aurrera egin ahala, Arrasate Komunikabideak-eko presidente eta Goiena komunikazio taldeko arduradun eta zuzendari nagusi izan zen.^[1]

Kutxaren barruan, bulegoko langilea izan zen, eta ondoren Hizkuntza Plangintzako arduradun eta baita Kutxa Fundazioaren zuzendari-ondokoa. Bankugintzan erretiroa hartutakoan, bete-betean murgildu zen euskalgintzan. 2012-2014 urteen bitartean Topaguneko lehendakari izan zen, eta baita hainbat toki komunikabidek 2012an sortu zuten Tokikom bateragunekoa ere. 2015ean joan zen Gipuzkoako Foru Aldundira, non Euskararen Zuzendaritza Nagusia izan ohi zenak, izen berria hartu zuen berarekin (Markel Olanok zuzendutako foru gobernuan): Hizkuntza Berdintasuneko Zuzendaritza. 2017a bukatzearekin batera utzi zuen kargua, arrazoi pertsonalak medio.^[2]

Bizitza pertsonala

Hogeita bost urtez Elorrioko Gazeta auzoko baserri batean bizi izan zen Mikel Irizar, eta txakolina ekoiztu zuen bertako mahastiekin. 2020a ezkero Mendraka auzoan bizi da, Elorrion bertan, baserri batean, txakolin produkzioa alde batera utzita.

Erreferentziak

↑ «Mikel Irizar, Hizkuntza Berdintasunerako zuzendari» diariovasco.com 20150728074248 (Noiz kontsultatua: 2018-06-08).
↑ ORAIN GIPUZKOA. (2017-12-29). Mikel Irizarren agurra. (Noiz kontsultatua: 2018-07-04).

Kanpo-loturak

Piperrautsa, Mikel Irizarren bloga.
Mikel Irizar Twitterren.

Datuak: Q54863202

[1] «Mikel Irizar, Hizkuntza Berdintasunerako zuzendari» diariovasco.com 20150728074248 (Noiz kontsultatua: 2018-06-08).

[2] ORAIN GIPUZKOA. (2017-12-29). Mikel Irizarren agurra. (Noiz kontsultatua: 2018-07-04).

[1]

[2]