Megara

Megara Μέγαρα
hiria
Administrazioa
Estatu burujabe	Grezia
Erakunde autonomo	Decentralized Administration of Attica
Eskualdea	Atika
Unitate periferikoa	Mendebaldeko Atika
Udalerria	Megara Municipality
Izen ofiziala	Μέγαρα 0412.jpg
Jatorrizko izena	Μέγαρα
Posta kodea	191 00
Geografia
Koordenatuak	37°59′42″N 23°20′32″E
Azalera	322,21 km²
Altuera	4 m
Demografia
Biztanleria	25.467 (2021) 23.166 (2001) 20.504 (1991) 23.456 (2011) 13.863 (1951) (2011)
Dentsitatea	79 bizt/km²
Informazio gehigarria
Telefono aurrizkia	2296
Hiri senidetuak	Aiud (en) eta Augusta
Hizkuntza ofiziala	greziera
megara.gr

Megara (grezieraz: Μέγαρα) Greziako hiria da, Atikako periferian kokatua, Saroniko golkoan, Salamina uhartearen parean. Uhartea antzina Megararena izan zena, Atenasek hartua izan aurretik.

2011n Nea Peramos antzinako udalerria Megararekin batu zuten.

Historia

Kariarrek sortua, Megara Atikako lau barrutietako bat zen, Pandion II.a errege mitikoaren lau semeei zegozkienak, horietatik Megara gobernatzen zuena Niso zelarik. Garai historikoetan, Megarako kolonoek K.a. 667an Bizantzio sortu zuten, baita Kaltzedon eta, Sizilian, Megara Hyblaea ere, Sirakusatik iparraldera zegoen polis txiki bat.

Oparotasun komertzial eta kultural handia izan zuen K.a. VIII. mendea eta K.a. VII. mendearen artean, eta Atenas eta Korintoren parean egon zen. Peloponesoko gerraren garaian Megara Espartaren aliatuetako bat zen. Gerraren ondoren gainbehera hasi zen. Gaur egun Megara Atenasen auzo bat da, eta bertan 30.000 pertsona bizi dira.

Megara Geraneies eta Kerata mendien arteko lautada batean zegoen, Karia (Καρία) eta Alkatoe (Ἀλκαθόη) deituriko muino bikoitz baten oinean. Handik ez oso urruti portua zuen, Nisea deiturikoa (Nisaea, Νίσαια edo Νισαία) portu honekin harresien bidez lotuta zegoelarik.

Elezahar baten arabera, Foroneoren seme bat zen Karrek sortu zuen; 12 belaunaldi beranduago, Egiptotik bertara Lelex iritsi zen, lelegeen heroi eponimoa, bere oinordekoa bere seme Kleson izan zelarik, eta ondoren Pilas eta Esziron, Atenasko errege zen Pandionen alabarekin ezkondu zena. Nisok, Pandionen semea zenak, Eszironu lehiatu zion Megararen jabetza, eta lehia honetan epaile zen Eakok Atenasi eman zion. Nisoren oinordekoa Megareo izan zen, itsasoetako jainkoa zen Poseidonen semea, Niso eta Abrotaren alaba zen Ifinoerekin ezkondu zena. Megareoren oinordekoa bere seme Alkatoo izan zen.

Herriak eta herrixkak

• Agía Triás
• Aigeiroúses
• Alepochori
• Kineta
• Koumíntri
• Lákka Kalogírou
• Meli
• Mégara

• Moní Agíou Ierothéou
• Moní Agíou Ioánnou Prodrómou
• Moní Panachrántou
• Pacháki Puto
• Páchi
• Stíkas
• Vlycháda
• Lîchymaniõ

Demografia

Urtea	Hiria	Udalerria
1971	17.584	-
1981	20.814	21.245
1991	20.403	25.061
2001	23.032	28.195

Kanpo estekak

• Datuak: Q184864
• Multimedia: Megara / Q184864

Artikulu hau Greziako geografiari buruzko zirriborroa da. Wikipedia lagun dezakezu edukia osatuz.