Max Beckmann

Max Beckmann
Irudi gehiago
Bizitza
Jaiotza	Leipzig, 1884ko otsailaren 27a
Herrialdea	Alemania
Heriotza	New York, 1950eko abenduaren 27a (66 urte)
Heriotza modua	berezko heriotza: miokardio infartu akutua
Hezkuntza
Heziketa	King Albert School (en) Weimar Saxon-Grand Ducal Art School (en)
Hizkuntzak	alemana
Ikaslea(k)	ikusi Karl Tratt (en)
Jarduerak
Jarduerak	margolaria, eskultorea, arkitektura proiektuen marrazkilaria, grabatzailea, idazlea, unibertsitateko irakaslea eta ilustratzailea
Parte-hartzailea documenta (en) Documenta II (en) Documenta III (en)
Lantokia(k)	Niza Paris Berlin Frankfurt am Main Florentzia Amsterdam Haga Zandvoort Zürich Londres Boulder Saint Louis eta New York
Enplegatzailea(k)	Städelschule (en) Washingtongo Unibertsitatea Saint Louisen
Lan nabarmenak	ikusi Self-Portrait in Tuxedo (en) Autoerretratua zapi gorriarekin Departure (en) Birds’ Hell (en)
Jasotako sariak	ikusi Villa Romana Prize  (1906)
Kidetza	Bavariako Arte Ederren Akademka Berlin Secession (en) Accademia delle Arti del Disegno (en)
Mugimendua	espresionismoa Objektibotasun berria
Genero artistikoa	erretratua izadi hila biluzia animal art (en) figure (en) margolaritza historikoa interior view (en) paisaia margolaritza margolaritza mitologikoa Autorretratua Christian art (en)

Max Beckmann (Leipzig, Saxonia, Alemaniar Inperioa, 1884ko otsailaren 12a - New York, AEB, 1950eko abenduaren 27a) alemaniar margolaria izan zen.

Biografia

Leipzigen jaioa, nekazari familia bateko kidea. Bera jaio eta Leipzigen bizitzera joan ziren. Gaztetik marrazketan aritu izan zen eta 1900 urtean Weimarreko Arte Eskolan ikasketak egin zituen.

1903 urtean Minna Tuberekin ezkondu zen eta Parisera joan ziren. Beckmann Florentzian eta Genovan ere izan zen; azkenik 1904 urtean Berlinera bizitzera joan zen. 1912 urtean bere lehen erakusketa antolatu zuen eta bere lehen margolanetan inpresionisten eragina nabarmena da. Bere lana arrakastatsua zela eta, arteari buru-belarri ekinez aritu ahal izan zuen. Lehen Mundu Gerran mediku izan zen baina nerbio krisi batek jota utzi behar izan zuen. Gudan bizitako esperientziek eragin handia izan zuten bere ondorengo lanetan; hala bada, bere margolanek espresionista kutsua hartu zuten.

Beckmannek  Frankfurt am Mainen klaseak eman zituen 1915 geroztik baina 1933 urtean Nazien alderdiak lan hori bertan behera uztera behartu zuten. 1930. hamarkada hasieran Parisera margotzera sarri joaten zen eta garai honetan hain zuzen ere, triptikoak erabiltzeari ekin zion, neurri batean Boscoren lanen eraginpean.

Naziek 1937 urtean bere margoak endekatutzat (ikus Arte endekatua) sailkatu zituzten eta Beckmann Amsterdamera bizitzera joan zen.

1947an Amsterdam utzi eta AEBtara jo zuen. Lehenik eta behin Missourin  bizi izan zen, geroago, New Yorken. 1950 urtean bihotzekoak jota zendu zen bere erakusketa batean parte hartzeko Metropolitan Museumerako bidean.

Beckmannek hainbat autorretratu margotu zituen, besteak beste Smoking jantzita autorretratua (1927), gaur egun klasikotzat jota. Bere beste lan asko eguneroko bizitzako irudiak dira. Sarritan gorputz elbarri eta barregarriak irudikatu zituen, dirudienez 1920ko eta 1930eko hamarkadetako Alemaniako gobernuari kritika egiteko, baita bere Lehen Mundu Gerran bizitako esperientzien aipamen gisa.

Bere bizitza osoan zehar brontzezko zortzi eskultura besterik ez zituen egin eta hauek gizakien mugimenduak adierazten zituzten, hala nola dantzariak spagat edo pinu zubia egiten. Pieza horiek erakusgai daude Frankfurt am Main-eko Städel institutuan.

Kanpo estekak

• Datuak: Q164683
• Multimedia: Max Beckmann / Q164683