Luhuso

Luhuso
	Lapurdi, Euskal Herria
	Luhuso herriaren ikuspegia.
	; Armarria
	; Armarria
Kokapena
Herrialdea	Euskal Herria
Lurraldea	Lapurdi
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Baiona
Kantonamendua	Baigura eta Mondarrain
Izen ofiziala	Louhossoa
Auzapeza	Jean-Pierre Harriet (2008-2014)
Posta kodea	64250
INSEE kodea	64350
Herritarra	luhusoar
Geografia
Azalera	7,38 km²
Garaiera	71 - 369 metro
Demografia
Biztanleria	869 (2018: −8)
Dentsitatea	120,73 biztanle/km²
Zahartzea	% 17,21
Ugalkortasuna	‰ 52,98
Ekonomia
Jarduera	% 82,43 (2011)
Desberdintasuna	% 5,65 (2011)
Langabezia	% 7,33 (2013)
Euskara
Euskaldunak	% 58,86 (2010)
Erabilera	% 26,58 (2011)

Luhuso Lapurdiko hego-ekialdeko udalerri mugakidea da, Lapurdi Garaia eskualdekoa eta hango herririk txikiena dena populazioari dagokionez. Nafarroa Behereako mugan kokatuta dago.

Geografia

Ingurune naturala

Errobi ibaia udalerritik igarotzen da.

Auzoak

Harnabarrea

Udalerri mugakideak

Kanbo iparraldean
Itsasu mendebaldean
Bidarrai (Nafarroa Beherea) hegoaldean
Makea ekialdean

Historia

XIX. mendea arte

Aurretik Makea eta Lekorneko auzoa izanda, Luhuso XVII. mendearen amaiera aldera bihurtu zen udalerri independente. Aurretik, herria XVI. mende aldera hasi zen populatzen.

Frantziar Iraultzaren garaian, administrazio egitura berri bat agertzearekin, Ipar Euskal Herriko hainbat herrik izenez aldatu zuten; Luhusok, Montagne-sur-Nive izena hartu zuen.

Gaur egun

2016ko abenduaren 16an Luhuson atxilotu zituzten Txetx Etcheverri, Béatrice Molle-Haran, Michel Bergouignan, Michel Berhokoirigoin eta Stéphane Etchegaray "Etxe", "bakearen artisauak" izenekoak ("artisains pour la paix"). ETAren desarmatze zibilean laguntzen ahalegindu ziren, bake prozesuaren alde.^[2]

Demografia

Bi mendez, XIX. eta XX. mendeetan zehar, 500 biztanleko populazioa izan zuen Luhusok. XXI. mendearen hasieran, berriz, biztanleria bikoiztu eta egun, ia 900 lagun ditu.