Lucio del Álamo

Lucio del Álamo
Gorte frankistetako prokuradorea 1971ko azaroaren 11 - 1977ko ekainaren 30a Hautetsia: Gorte Frankisten 10. Legegintzaldia Gorte frankistetako prokuradorea 1967ko azaroaren 6a - 1971ko azaroaren 12a Hautetsia: Gorte Frankisten 9. Legegintzaldia Gorte frankistetako prokuradorea 1965eko uztailaren 15a - 1967ko azaroaren 15a Hautetsia: Gorte Frankisten 8. Legegintzaldia Gorte frankistetako prokuradorea 1952ko maiatzaren 14a - 1952ko azaroaren 25a Hautetsia: Gorte Frankisten 4. Legegintzaldia Gorte frankistetako prokuradorea 1949ko maiatzaren 13a - 1952ko apirilaren 5a Hautetsia: Gorte Frankisten 3. Legegintzaldia Gorte frankistetako prokuradorea 1947ko abenduaren 10a - 1949ko apirilaren 6a Hautetsia: Gorte Frankisten 2. Legegintzaldia
Bizitza
Jaiotza	Amurrio, 1913ko martxoaren 2a
Herrialdea	Araba, Euskal Herria
Heriotza	Madril, 1988ko ekainaren 27a (75 urte)
Hezkuntza
Heziketa	Deustuko Unibertsitatea : zuzenbide
Hizkuntzak	gaztelania
Jarduerak
Jarduerak	kazetaria, politikaria eta futbolaria
Ibilbidea Taldeak Urteak J G Real Valladolid / Athletic / Amurrio Kluba /
Lantokia(k)	Madril
Jasotako sariak	ikusi [[]]  (1964) Mariano de Cavia' Price Alfontso X.a Jakitunaren Ordenako Gurutze Handia  (1971) Cisneros Ordenaren Gurutze Handia  (1969)
Kidetza	Asociación de la Prensa de Madrid
Sinesmenak eta ideologia
Alderdi politikoa	FET y de las JONS

Lucio del Álamo Urrutia (Amurrio, 1913ko martxoaren 2a - Madril, 1988ko ekainaren 27a) arabar kazetari eta idazlea izan zen.

Biografia

Amurrion (Araba) jaio zen 1913an. Zuzenbide eta filosofia eta letretako ikasketak egin zituen Deustuko eta Valladolideko unibertsitateetan; gero kazetaritza ikasi zuen El Debate eskolan. JONSen hasierako kidea, hauek Falangearekin elkartu ondoren, Falange Española de las JONSen lerroetan kide izatera pasako zen.

Gaztetan Amurrio Clubarekin jokatu zuen, eta handik Athletic Clubera igaro zen (lagunarteko bi partida jokatzera iritsiz). Real Valladoliden ere jokatu zuen.

1934an Bilboko La Gaceta del Norte egunkarian sartu zen erredaktore gisa. Gerra Zibilaren amaieraren ondoren, zenbait komunikabide zuzendu zituen: Bilboko Hoja del Lunes (1940), Radio Nacional de España (1943) edo Marca kirol-egunkaria (1947). Kargu publiko garrantzitsuak izan zituen, besteak beste, Herri Hezkuntzako probintzia-ordezkaria, irrati-difusioko buru nazionala edo FET eta JONSetako prentsa-ordezkari nazionala. 1949an 7 Fechas astekaria sortu zuen, bertako zuzendaria ere izango zelarik. Hainbat aldiz Gorte frankistetan prokuradorea izan zen, eta FET eta JONSeko Kontseilu Nazionaleko kide ere izan zen. Aldi berean, Madrilgo Prentsa Elkarteko eta Espainiako Prentsa Elkarteen Federazioko presidentea izan zen. 1966tik Prentsa Kontseilu Nazionaleko kidea ere izan zen.

1968ko urrian, El Alcázar egunkariaren buru izendatu zuten eta egunkaria bere aurreko lerro editorial ultraeskuindarrean berriro kokatu zuen. 1971n kargua eta Antonio Gibellok ordezkatu zuen. 1973 eta 1977 artean diktaduraren amaieran, Madrilgo Hoja del Lunes zuzendu zuen.

Madrilgo Prentsa Elkartearen lehendakaritzan eman zuen bere ibilbidearen azken aldian, hiriburuko iparraldean, Peñagrande auzoan Kazetarien Hiria izeneko urbanizazioaren eraikuntza sustatu zuen. 1988an Madrilen hil zen.

Lanak

• Charlas del Sábado. Donostia: Eds. Gráficas Fides.
• La unidad e independencia económica de España. Bilbo.
• El último muerto de la Guerra de España. Donostia: Ediciones Atlas.

Bibliografia

• Alférez, Antonio. (1986). Cuarto poder en España: la prensa española desde la ley Fraga 1966. Bartzelona: Plaza y Janés.
• Bardavío, Joaquín. (1970). Dirigentes, España, 1970: Repertorio biográfico de políticos, alta milicia, alto clero y diversos profesionales españoles. Gráficas Ellacuria.
• Barrera, Carlos. (1995). Periodismo y Franquismo. De la censura a la apertura. Bartzelona: Ediciones Internacionales Universitarias.
• Gómez Pérez, Rafael. (1986). El franquismo y la Iglesia. Madril: Ediciones Rialp.
• Fontes, Ignacio; Menéndez, Manuel Ángel. (2004). El parlamento de papel: las revistas españolas en la transición democrática. I Asociación de la Prensa de Madrid.
• López Sáinz, Celia. (1975). Primer quién es quién en Vizcaya. La Gran Enciclopedia Vasca.
• Quirosa-Cheyrouze, Rafael. (2009). Prensa y democracia: los medios de comunicación en la transición. Biblioteca Nueva.
• Rodríguez Jiménez, José Luis. (1994). Reaccionarios y golpistas: la extrema derecha en España: del tardofranquismo a la consolidación de la democracia, 1967-1982. Madril: CSIC ISBN 84-00-07442-4..
• Sinova, Justino. (1989). La Censura de prensa durante el franquismo (1936-1951). Espasa-Calpe.

• Datuak: Q24251491