Loiolako geltokia

Loiola
	Geltoki barruko ikuspegia.
	Kokapen mapa
Lineak
Kokapena
Helbidea	Urbia kalea 28; 20014
Udalerria	Donostia, Gipuzkoa
Geltokiaren datuak
Gunea	2. gunea
Irekiera	2017ko martxoaren 5a
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Lasarte-Oria ↔ Hendaia ; Amara ↔ Altza
Lurraldebus	BU12 Donostia - Martutene - Astigarraga - Hernani
d·bus	24 Altza - Gros - Antiguo - Intxaurrondo ; 26 Amara - Martutene ; 31 Intxaurrondo - Hospitales - Altza ; 41 Gros - Egia - Martutene ; B4 Amara - Erriberak - Martutene

Ez nahasi Donostiako Renfe Aldiriak sarearen Loiolako geralekua.

43°18′39″N 1°58′03″W / 43.310729°N 1.967595°W

Loiola Euskotren Trena eragilearen E2 eta E5 lineei dagokien tren geltokia da, Donostia udalerriko izen bereko auzoan kokatuta dagoena. Gaur egungo geltokia 2017ko martxoaren 5ean ireki zen eta Mugi sistemaren 2. tarifa-gunearen parte da.

Geltokia, eskailera eta igogailuz hornituta, 120 metro luze diren alboetako bi nasetara ematen duen atariak osatzen du. Terminalaren berezitasun nagusia bide-zubian eraikita dagoela eta aurretik 200 metro luze den metalezko estruktura duela da. Abagune horrek asko errazten du geltoki berria eraiki aurretik trenbideak osatzen zuen trintxerak bereizten zituen auzoko bi aldeen arteko iragazkortasuna. Bide-zubia eusten duten zutabeek 35 eta 40 metro arteko sakonera dute, harkaitzera heltzeko.^[1]

Sarbideak

Urbia kalea, Loiola zeharbidearekin izkina
La Salle

Historia

Trenbidea 1912tik igarotzen da Loiolatik, garaian bi trenbide adar zeudela: bata ekialdetik Irun eta Hendaiara, eta bestea, tranbia, hegoaldetik Astigarraga eta Hernanira. Horregatik, geltokiak triangelu itxura zuen, maila berera lau nasa zudela, eta nasa zentraletan mando-koadroa zegoela.

Tranbia zerbitzua XX. mendeko bigarren erdian itxi zen, ibilgailu pribatuaren igoeraren ondoriozko trenbideen beherakada zela kausa. Orduan, Topo tren linearen berrikuntza integrala gauzatu zen eta Loiolan lurgaineko geltoki berri bat eraiki zen, bi trenbide eta bi nasekin.

Auzoaren hazkundearen ondoren trenbidearen hormak sortzen zuen auzoaren banaketaren kontrako kexek gora egin zuten, eta saihesbide berri bat proiektatu zen Loiola etorbidearen gainean, zutabeen gaineko biaduktu bat eraikiz eta horren gainean geltoki berria kokatuz, aurrekoa ordezkatzeko.

2015ean, geltoki berriaren ondoan behin-behineko geltokia eraiki zen, behin-betikoa eraikitzen zen bitartean zerbitzu emateko. Bitartean, geltoki zaharra zerbitzuz kanpo gelditu zen eta azpiegitura zaharra eraisten hasi zen.

2017ko martxoaren 5ean behin-betiko geltoki berria ireki zen, Urbia kaletik sarbideduna. Era berean, geltoki berrirako bigarren sarbidea eraikitzen hasi zen, eta behin-behineko geltokia eraisteko eta geltoki ingurua urbanizatzeko lanei ekin zion Euskal Trenbide Sareak.

Urte bereko irailaren 25ean geltoki berriaren estalkiak eta fatxadak amaitu ziren, eta La Salle ikastetxera ematen duen sarbidea martxan jarri zen.

2017ko azaroaren 25ean geltoki inguruko urbanizazioa inauguratu zen, 17.600 metro koadroko azalera hartzen duena. Espazio publiko honetan gune berdeak, haurrentzako jolasak eta bidegorria daude. Geltoki berria eta urbanizazioaren jarduketak 20,9 milioi euroko aurrekontua izan du.^[1]