Leopoldo Lugones

Leopoldo Lugones
	; Irudi gehiago
Bizitza
Jaiotzako izen-deiturak	Leopoldo Antonio Lugones Argüello
Jaiotza	Villa de María del Río Seco (en) , 1874ko ekainaren 13a
Herrialdea	Argentina
Heriotza	Tigre (Buenos Aires), 1938ko otsailaren 18a (63 urte)
Hobiratze lekua	La Recoleta hilerria
Heriotza modua	suizidioa: zianuroagatiko intoxikazioa
Familia
Seme-alabak	ikusi Polo Lugones (en) ;
Hezkuntza
Hizkuntzak	gaztelania
Jarduerak
Jarduerak	poeta, kazetaria, saiakeragilea, idazlea eta itzultzailea
Lan nabarmenak	ikusi La Guerra Gaucha (en) ; Las fuerzas extrañas (en) ; Cuentos (Lugones) (en) ;
Jasotako sariak	ikusi [[]] (1926) ;
Kidetza	National Academy of History of Argentina (en)
Genero artistikoa	olerkigintza

Leopoldo Lugones (Rio Seco, Córdoba, 1874ko ekainaren 13a - Buenos Aires, 1938ko otsailaren 18a) argentinar poeta izan zen. Herrialdeko idazle handiena izan zen bere garaian eta eragin handia izan zuen ondoko idazle gazteengan, Jorge Luis Borgesengan, esate baterako.

Biografia

Sozialista zen eta 1897an La Montaña izeneko egunkaria sortu zuen Buenos Airesen. Literatura-alorrean, Rubén Darío nikaraguar poetak gidatzen zuen talde modernistako kide izan zen eta poema-bilduma garrantzitsu bat eman zuen Las montañas de oro izenpean (1897, «Urrezko mendiak»). Los crepúsculos del jardín (1905, «Lorategiko arratsak») eta Lunario sentimental (1909, «Ilargi-almanaka sentibera») bildumak argitaratu zituen ondoko urteetan.

1911-1914 urteetan Parisen bizi izan zen, eta hasierako sozialismotik joera nazionalista baterantz jo zuen, estetika modernista nazio-gaietara loturiko errealismo bihurtu zen neurrian. Aldaketa erabatekoa izan zen bere El libro de los paisajes (1917, «Ikuspegien liburua»).

Cuentos fatales (1924, «Patuaren ipuinak») ipuin bilduman eta El ángel de la sombra (1926, «Itzalpeko aingerua») obran nazio-gaiak erabili zituen. Argentinako Hezkuntza Batzordeburu izan zen 1914-1938 urteetan eta Argentinako ordezkari Nazioen Ligan 1924an. Greziako kultura klasikoa ikasi eta landu zuen eta Iliada eta Odisea gaztelerara itzuli zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Leopoldo Lugones

Datuak: Q188875
Multimedia: Leopoldo Lugones / Q188875