Lauraceae

Lauraceae
Irudi gehiago
Sailkapen zientifikoa
Erreinua	Plantae
Ordena	Laurales
Familia	Lauraceae Juss.

Laurazeak (Lauraceae) Laurales ordenako landare angiospermoen familia bat dira. Familiak 3.500 espezie inguru ditu, 65 bat generotan banatuak. Espezie gehienak klima tropikaletakoak dira, batez ere Asiako hego-ekialdekoak eta Brasilgoak.

Makaronesiako (Kanariak, Madeira eta Azoreak) eta klima subtropikal hezeko beste eskualde batzuetako baso iraunkorretako espezie nagusiak dira. Familia honetako espezie asko erabilgarriak dira, olio esentzialengatik (ereinotza, Aniba rosaeodora, Ocotea odorifera, Cinnamomum camphora), fruituagatik (ahuakateondoa) edo zuragatik (Chlorocardium rodiaei, Eusideroxylon zwageri, Ocotea porosa, Endiandra palmerstonii).

Ezaugarriak

Gehienak zuhaitzak (50 m-rainoko altuerakoak) edo zuhaixkak dira, gehienetan hostoiraunkorrak, eta askoz bakanagoak dira espezie igokariak edo parasitoak (Cassytha). Hostoak txandakakoak edo aurkakoak dira, edo itxuraz bertizilatuak bestela, bakunak, osoak (oso gutxitan gingildunak), maiz larrukarak; gainaldea berde distiratsua izaten dute, eta azpialdea, berriz, berde-urdinxka.

Landare dioikoak edo monoikoak dira, lore sexubakarrekin. Loreak txikiak izaten dira, aktinomorfoak, gehienetan berdexkak, horixkak edo zurixkak, eta gutxiagotan gorrixkak.

Generoak

Familiaren barne-sistematika korapilatsua da, eta genero-banaketa ez da arazorik gabea. Hemen aurkezten diren generoak Royal Botanic Gardens, Kew eta Missouri Botanical Garden erakundeek 2010ean emandakoak dira (http://www.theplantlist.org/browse/A/Lauraceae/):

Actinodaphne Aiouea Alseodaphne Aniba Apollonias Aspidostemon Beilschmiedia Caryodaphnopsis Cassytha Chlorocardium Cinnadenia Cinnamomum Cryptocarya Dehaasia Dicypellium Dodecadenia Endiandra Endlicheria Eusideroxylon Gamanthera Hexapora Hufelandia

Hypodaphnis Iteadaphne Kubitzkia Laurus Licaria Lindera Litsea Machilus Malapoenna Mezilaurus Misanteca Mocinnodaphne Mutisiopersea Nectandra Neocinnamomum Neolitsea Notaphoebe Nothaphoebe Ocotea Oreodaphne Parasassafras Parthenoxylon

Paraia Persea Phoebe Phyllostemonodaphne Pleurothyrium Polyadenia Potameia Potoxylon Povedadaphne Ravensara Rhodostemonodaphne Sassafras Schauera Sextonia Sinopora Sinosassafras Syndiclis Tetranthera Tylostemon Umbellularia Urbanodendron Williamodendron

Adenodaphne eta Temmodaphne generoak ere Lauraceae familiaren barnean sailkatu dira berriki.

Kanpo estekak

• Mapa

Erreferentziak

• Datuak: Q26538
• Multimedia: Lauraceae / Q26538
• Espezieak: Lauraceae