Lainobera

Lainobera edo lanbroa ur-tanta mikroskopikoen edo zatiki higroskopiko bustien aireko esekidura da, lurraren azalean ikuspena murrizten duena.^[1] Berez eguraldiren edo jarduera bolkanikoaren zati gisa gertatzen da. Ohikoa da aire epelaren azpiko atmosfera hotzean. Halaber, aerosol-ontziak erabiliz, lainoa artifizialki eragin daiteke, hezetasun-baldintzak egokiak badira.

Lainoberaren eta lainoaren arteko alde bakarra partikulen intentsitatea da, ikuspen terminoetan adierazten dena: Fenomeno meteorologikoak 1 km edo gutxiagoko ikuspena ematen badu, lainotzat hartzen da; eta 1 km baino gehiagora ikusten uzten badu, fenomenoa lainoberatzat hartzen da. Distantziara begiratuta, lainoberak gehiago hartzen du airearen tonalitatea (grisaxka/urdinxka), eta lainoa, berriz, zurixeagoa da.

Lainoberak eguzki-izpiak ikusarazten ditu; aitzitik, lainoak, partikula dentsitate handia duenez, ez ditu eguzki-izpiak ikusten.

Konparaketa beste fenomeno meteorologikoekin

Meteoroa	Ikusgaitasuna	Hezetasuna	Aerosola
Euria	< 3 km	0	Ura edo izotza
Zirimiria	< 1 km	0	Ura edo izotza
Lainoa	< 1 km	�-100	Ura edo izotza
Lainobera	1 - 2 km	�-90	Ura edo izotza
Bisutsa	< 2 km	< �	Partikula solidoak
Gandua	> 2 km	< �	Partikula solidoak