Klaudio Otaegi

Klaudio Otaegi
	;
Bizitza
Jaiotza	Zegama, 1836ko urriaren 30a
Herrialdea	Gipuzkoa, Euskal Herria
Heriotza	Hondarribia, 1890eko urtarrilaren 10a (53 urte)
Hezkuntza
Hizkuntzak	gaztelania; euskara
Jarduerak
Jarduerak	idazlea

Klaudio Otaegi (Zegama, Gipuzkoa, 1836ko urriaren 30a - Hondarribia, Gipuzkoa, 1890ko urtarrilaren 10a) euskal idazlea. Maisu ikasketak egin zituen Gasteizen, eta Hondarribian aritu zen eskola maisu 1858. urtetik aurrera.

Bonaparte printzearekin harremana

Luis Luziano Bonaparte printzearen laguntzaile izan zen, eta Euskal Herriko bidaietan lagundu zion, 1866an batez ere. Haren aginduz itzuli zituen Gipuzkoako azpieuskalki ugaritara Kristau Dotriñea eta Bibliako zati asko: San Joanen ebanjelioa, San Markosena, Ruten eta Jonasen liburuak, etab. Olerki ugari idatzi zuen Euskal-Erria aldizkarian batez ere, eta gazteleratik, frantsesetik eta ingelesetik itzuli zuen euskarara beste asko: “Bere idazlumatik hainbat olerki atera ziren, jatorrizkoak eta itzulpenak, normalean gutxi inspiratuak, horien artean Luis de León eta Juan Arolas-en lan batzuk (Mitxelena 1960, 130. or.).

Klaudio Otaegi zuberotar batekin ezkondu zen, Lucie-Honorine Richard-ekin. Honen ahizpa Marie Clémence Richard, Klaudioren koinata alegia, Bonaparte printzearen bikote izan zen 1857tik Bonaparte hil zen arte, 1891ean.

Olerkigintza

Otaegiren olerki ezagunenetako bat Beotibarko gudua da, 14. mendeko gertakari historikoaren gainean (Beotibarko gudua) oinarritua. 20. mendean abesti bihurtu zuten Lourdes Iriondok, Aire Ahizpek eta baita Benito Lertxundik izenburuak pixka bat eraldatuta (Beotibar)^[1]. Otaegik, zentzu epiko bat emanez Beotibarkoari ezkutatu egin zuen gudu hartan gipuzkoarrek menderatu zituztenak nafarrak izan zirela, eta eufemismoz idatzi zuen "Beotibarko harkaitzetan / etsaiak gure oinetan". Benito Lertxundik are gehiago eraldatu zuen bertsoa, honela kantatuzː "Beotibarko harkaitzetan / frantsesak gure oinetan".

1990ean Otaegiren Olerki guztien bilduma argitaratu zuen Patri Urkizuk Xabier Azurmendirekin lankidetzanː

Klaudio Otaegi olerkaria (1836-1890) (1991, Etor)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Bilketa. «Beotibarko gudua, Claudio de Otaegui, 1888» www.bilketa.eus (Noiz kontsultatua: 2018-02-23).

Ikus, gainera

Kanpo estekak

Klaudio Otaegi literaturaren zubitegian

Datuak: Q12261507

[1] Bilketa. «Beotibarko gudua, Claudio de Otaegui, 1888» www.bilketa.eus (Noiz kontsultatua: 2018-02-23).

[1]