Jose Ignazio Viar Mendiguren
| Jose Ignazio Viar Mendiguren | |
|---|---|
| Bizitza | |
| Jaiotza | Bilbo, 1745eko ekainaren 7a |
| Herrialdea |  Bizkaia, Euskal Herria |
| Heriotza | Filadelfia, 1818 (72/73 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | diplomazialaria |
Jose Ignazio Viar Mendiguren, gaztelaniaz Jose Ignacio de Viar Mendiguren (Bilbo, 1745eko ekainaren 7 – Filadelfia, 1818) diplomazialaria, Espainiako Erresumarako ordezkapen lan ugari egin zituen.
Biografia
[aldatu | aldatu iturburu kodea]Jose Ignazio Viarren gurasoak bilbotarrak ziren. Haurra San Anton Abadea elizan batailatu zuten. Oso gazte Bilboko "Joseph Gardoqui e hijos" lantegian hasi zen lanean. Diego María Gardoki, Bilboko kontsuletxeko arduradun nagusiarekin, Londresen kontsul-lana egin zuen. 1784an, José de Jaúdenes-ekin batera, laguntzailea izendatu zuten eta Gardokiren idazkari ez-ofiziala izan zen. Gardoki Ameriketako Estatu Batuetan Espainiako Gobernuaren ordezkari izendatu zuten eta Viar harekin joan zen. Gardokiren lana 1789an bukatu zen eta Viarrek Espainiarekiko komunikazioa mantetzeko ardura hartu zuen, 1791 arte. Geroagoa Viar eta Jaúdenes ofizialki ordezkari diplomatikoak izendatu zituzten. 1794an Viar Kontsul Orokorra izendatu zuten; bere bizitoki Charlestownen zegoen. 1801an, 56 urte zituelarik, erretreta eskatu zuen; diplomatikoaren osasuna ez zen ona eta hori izan zen erretretaren eskaera justifikatu zuena.[1] Penintsulan, ordea, egoera larria zen eta, horregatik, Estatu Batuetan gelditzeko baimena eskatu zuen. 1809an lanera itzuli zen, orduan Washingtongo Negozioen Arduraduna bezala. Behin betiko erretreta 1814an hartu zuen eta lau urte geroago hil egin zen.
Erreferentziak
[aldatu | aldatu iturburu kodea]- ↑ 1794an, Filadelfian, izurrite bat eman zen eta, haren ondorioz, bilbotarrak arazo hepatikoak zituen.; Mª Jesus Cava, 30.or.
Ikus, gainera
[aldatu | aldatu iturburu kodea]Kanpo loturak
[aldatu | aldatu iturburu kodea]- (Gaztelaniaz):Auñamendi Entziklopedian.
- (Gaztelaniaz):Maria Jesus Cava Mesaren artikulua Bilbao aldizkarian, 2017ko abuztuan, 30-31 or.
