Joan II.a Frantziakoa

Joan II.a Frantziakoa
	; Irudi gehiago
Frantziako erregea
Normandiako dukea
count of Anjou (en)
count of Auvergne (en)
Bizitza
Jaiotza	Le Mans, 1319ko apirilaren 26a
Herrialdea	Frantziako Erresuma
Heriotza	Londres, 1364ko apirilaren 8a (44 urte)
Hobiratze lekua	Saint-Denisko basilika
Familia
Aita	Filipe VI.a Frantziakoa
Ama	Joan of Burgundy
Ezkontidea(k)	Bonne de Luxembourg (mul) (1332ko uztailaren 28a, 1332ko uztailaren 28a (egutegi gregorianoa) - 1349ko irailaren 11); Joan I, Countess of Auvergne (en) (1350eko otsailaren 9a, 1350eko otsailaren 19a (egutegi gregorianoa) - 1360ko irailaren 29a)
Seme-alabak	ikusi Karlos V.a Frantziakoa; Louis I (en) ; John, Duke of Berry (en) ; Filipe II.a Borgoinakoa; Joana Frantziakoa; Marie of Valois, Duchess of Bar (en) ; Isabella, Countess of Vertus (en) ;
Haurrideak	ikusi Joan of Valois (en) ; Philip of Valois, Duke of Orléans (en) ;
Familia	ikusi Blanche of Valois (en) (izeko);
Leinua	Valois leinua
Hezkuntza
Hizkuntzak	latina
Jarduerak
Jarduerak	subiranoa
Zerbitzu militarra
Parte hartutako gatazkak	Poitiersko gudua
Sinesmenak eta ideologia
Erlijioa	kristautasuna

Joan II.a Frantziakoa (Le Mans, 1319ko apirilaren 16a - Londres, 1364ko apirilaren 8a), izengoitiz Joan Onbera (frantsesez: Jean le Bon), Frantziako erregea izan zen 1350-1364 bitartean^[1].

Biografia

Filipe VI.a Frantziakoa eta Joana Borgoinakoa izan zituen gurasoak. 1350ean, 31 urte zituela, Frantziako errege bilakatu zen. Izurri Beltzak, Ehun Urteetako Gerrak eta Jacquerie izeneko matxinadak markatu zuten haren agintaldia.

Etsai handienak Eduardo III.a Ingalaterrakoa eta Karlos II.a Nafarroakoa izan zituen. Itun eskaintza gisa, 1352an alaba Joana Karlosekin ezkondu zuen, baina agindutako ezkonsaria eman ez zionez, liskarrak jarraitu zuen. 1355eko irailaren 10ean, Nafarroako eta Frantziako erregeek Valognesko hitzarmena sinatu bazuten ere, 1356ko apirilaren 16an, Rouenen, Joanek Karlos II.a preso hartu eta espetxeratu zuen^[2].

1356ko irailean, Ehun Urteetako Gerraren baitako Poitiersko guduan, Frantziako armada sarraskitua izan zen; ingelesek Joan II.a eta haren seme Filipe harrapatu eta Ingalaterrara eraman zituzten. 1360ko urrian, Joan aske utzi zuten, ordaindu beharreko bahisaria bildu ahal izateko; berme modura, Luis semea bahiturik gelditu zen Calaisen. 1363an Luisek ihes egitea lortu zuen; Joan, bere burua ohoregabetua ikusirik, Londresera itzuli zen. Bertan hil zen, 1364ko apirilaren 8an^[2].

Ezkontza eta seme-alabak

1332an Joanes I.a Bohemiakoaren alaba Bonarekin ezkondu eta bederatzi seme-alaba izan zituzten:

Karlos (1338–1380)
Luis (1339–1384)
Joanes (1340–1416)
Filipe (1342–1404)
Joana (1343–1373), Karlos II.a Nafarroakoarekin ezkondu zena.
Maria (1344–1404)
Aines (1345–1349)
Margarita (1347–1352)
Elisabet (1348–1372), Giangaleazzo Visconti Milango dukearekin ezkondu zena.

1350an Joana I.a Auverniakoarekin ezkondu eta alaba bi izan zituzten:

Blanka (1350–?)
Katalina (1352–?)

Erreferentziak

↑ Joan II.a Onbera. in: Harluxet Hiztegi Entziklopedikoa. euskadi.net (Noiz kontsultatua: 2016-03-14).
↑ ^a ^b John II King of France. in: Encyclopædia Britannica. global.britannica.com (Noiz kontsultatua: 2016-03-14).

Kanpo estekak

Datuak: Q169992
Multimedia: John II of France / Q169992

Aurrekoa
Filipe VI.a Frantziakoa

Frantziako erregea
1350-1364

Ondorengoa
Karlos V.a Frantziakoa

[harl-1] Joan II.a Onbera. in: Harluxet Hiztegi Entziklopedikoa. euskadi.net (Noiz kontsultatua: 2016-03-14).

[brit-2] John II King of France. in: Encyclopædia Britannica. global.britannica.com (Noiz kontsultatua: 2016-03-14).

[1]

[2]