Jaime Kerexeta

Jaime Kerexeta
	;
Bizitza
Jaiotza	Elorrio, 1918ko uztailaren 31
Herrialdea	Bizkaia, Euskal Herria
Heriotza	Elorrio, 1998ko abuztuaren 4a (80 urte)
Hezkuntza
Hizkuntzak	euskara; gaztelania
Jarduerak
Jarduerak	idazlea

Jaime Kerexeta Gallastegi (Elorrio, Bizkaia, 1918ko uztailaren 31 - ib., 1998ko abuztuaren 4a), "Arantzibia" edo "Bitargi" ezizenez, euskal idazle eta itzultzailea izan zen.

Bizitza

1947an apaiz egin zen. Burgosko Schola Cantorum abestaldearen zuzendari eta Sevillan, Burgosen eta Urkiolan organo-jotzaile ibili zen. Euzko-gogoa, Eguna, Jesus´en Biotzaren Deya, Egan, Olerti, Anaitasuna, BAP eta beste hainbat agerkaritan eman ditu argitara bere lanak. Erlijiozko liburu ugari itzuli ditu bizkaierara: Eguneroko meza (1963), Gogarteak (1963, San Ignazioren Gogo-Ihardunak), Argi-bide txikia (1965), Umeen Biblia (1969). Baina, batez ere, Euskal-Biblia (1976) da Kerexetaren lan nagusia, biblia osoa lehen aldiz bizkaieratua. Erlijiozkoaz gain, Luis de Castresanaren Vida de Iparraguirre (1978, Iparragirre´ren bizitza) eta El otro árbol de Guernica (1979, Gernika´ko beste arbola) itzuli zituen euskarara. Hiru olerki liburu idatzi ditu: Orbelak (1958), Bitargi (1969), Udazken (1980). Historia eta Genealogia ere landu ditu. Bere azkeneko lanak Fededunen otoitza (1988), Kristau-gaiak (1995) dira. 1998an ohorezko euskaltzain izendatu zuten.

Lanen zerrenda

Poesia

Orbelak (1958, Itxaropena)
Orbelak, Bitargi. Udazken (1960, Graf. Izarra).

Biblia

1976an Mendebaldeko euskaraz idatzitako lehen Biblia argitaratu zuen.

Ikus, gainera

Bizkaiko idazleen zerrenda

Kanpo loturak

Jaime Kerexeta literaturaren zubitegian

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q12260136