Ikebukuro

Ikebukuro (japonieraz: 池袋^?) Tokion dagoen Toshima auzoko barruti ezaguna da. Merkatalgune handiak (Seibu eta Tōbu), dendak eta jatetxeak daude bertan. Sunshine 60 etxe orratza da bertako eraikin garaiena.

Historia

Ikekuburo herrixka gaur egungo barrutiaren ipar-mendebaldean zegoen eta orain okupatzen duen eremua Sugamo (japonieraz: 巣鴨^?) izenarekin ezagutzen zen. Hainbat aintzira zeuden, hortik Ikebukuro izena "aintzira poltsa" esan nahi duena. XX. mendean Ikebukuroko lurraren prezio apalek kanpoko langileak eta artistak erakarri zituzten eta honek giro kosmopolita sortu zuen.