Igitaiaren miraria

Igitaiaren miraria
Mota	mirari ; elezahar
Honen parte da	Coat of arms of Santo Domingo de la Calzada (en)
Data	XI. mendea
Argumentu nagusia	Santo Domingo santuaren igitaia
Kokaleku	Santo Domingo de la Calzada
Parte-hartzaileak	Domingo de la Calzada

Igitaiaren miraria 11. mendeko elezaharra edo miraria da, Domingo de la Calzada santuari egozten zaio, eta Errioxako Santo Domingo de la Calzada hiriaren sorrerarekin lotua dago.

Kondaira

Domingo elizgizona Oja ibaiaren inguru batean (egun Errioxa, baina 11. mendearen hasieran, Domingo jaio zenean, Naiara eta Iruñeko Erresumaren lurrak) Donejakue bideko erromesentzako zenbait azpiegitura eta ostatu sortzen nabarmendu zen 11. mendean. Egindako lanen artean, ospitale bat eraikitzen ari zela egurrez eskas zebilela ikusi zuen Domingok, eta gertuko Ayuela izeneko herrixka bateko bizilagunei eskatu zien uzteko bertako harizti eta artadi bateko zuhaitzak mozten, egurra lortzeko. Ayuelakoek ez zuten gogorik baso haiek desagerrarazteko, eta proposamena egin zuen orduan Domingok, igitai sinple batekin moztu zitzakeen enborrak hartuko zituela. Ezinezkoa zirudienez egitekoak, utzi zioten santuari ahalegina egiten, eta biharamunerako, hara, basoa desagertuta, enbor guztiak egurretarako bilduta. Ayuelakoek mendeku hartu nahi izan zuten Domingo hilez, baina tratua zintzoki egina zela gogoraratu zieten eta konformatu behar izan ziren.^[1]