Hiru Erregeen Mahaia

Hiru Erregeen Mahaia
Hiru Erregeen Mahaia
Datu orokorrak
Garaiera	2.446 m
Prominentzia	392 m
Mota	mendi eta turismo-atrakzioa
Eponimoa	Frantziako erregea; Aragoiko errege; Nafarroako errege-erregina
Geografia
Koordenatuak	42°55′10″N 0°43′39″W / 42.919411°N 0.7275039°W
Mendikatea	Larrako mendigunea
Herrialdea	Euskal Herria
Foru erkidego	Nafarroa Garaia
Udalerria	Erronkari
Mendizaletasuna
Lehen igoera	Edouard Wallon (1883)
Ohiko bidea	Belagoatik
Luberri	Luberri

Hiru Erregeen Mahaia Euskal Herriko mendirik garaiena da (2.446 metro),^[1] Pirinioetan kokatua, Erronkariko ibarraren (Zangozako merindadea) ipar-ekialdean. Halaber, Nafarroa Garaian eta Hego Euskal Herri osoan ekialdeen dagoen puntua da (Eskiula ekialderago dago, baina Ipar Euskal Herrian). Hiru Erregeen Mahaiaren gailurrean bat egiten dute Euskal Herriaren, Bearnoren eta Aragoiren arteko mugek.

Gailurretik Atxerito iboia ikusten da.

Izena

Erronkarieraz Iror Erregeen Maia deritzo, gaztelaniaz Mesa de los Tres Reyes, aragoieraz Meseta d'os Tres Reis, okzitanieraz Tabla d'eths Tros Rouyes eta frantsesez Table des Trois Rois.

Hizkuntza guztietan hiru erregeak aipatzen dira. Diotenez, mendiaren izenak Nafarroako, Aragoiko eta Frantziako erregeak aipatzen ditu, aitzinako erresuma horien mugak bertan elkartzen baitziren. Teorian, posible zen hiru erregeak mendiaren gailurrean elkartu eta estatu-arazoez mintzatzea, nor bere erreinutik atera gabe. Bestalde, mahai hitzak gailurreko gune laua adierazten du.

Zenbaiten ustez, ordea, mendiaren izenak ez du zerikusirik erregeekin, eta gaskoizko era tabla d'eths tros rois hartzen dute jatorrizko izentzat: «gune soilduen mendia».^[2]

Nolanahi ere, XVII. mendeko agiri baten arabera irudi du Erronkari ibarrean garai hartan mendi hari "la peña de Ania", Aniako malkorra, deitzen ziotela. Izena Aña mendikoarekin (Auñamendik Erronkarin duen izena) lotu daiteke.^{[erreferentzia behar]}

Abiapuntuak

Belaguako aterpetxetik (Erronkari): 10 orduko joan-etorria.
Linzako aterpetxetik (Ansó): 8 orduko joan-etorria.
Laskundik (Bearno): 9 ordu J-E.

Argazki galeria

Mahaia Lhurseko lakutik ikusita.

Erreferentziak

↑ (Gaztelaniaz) Nacional, Instituto Geográfico. «Instituto Geográfico Nacional» Geoportal oficial del Instituto Geográfico Nacional de España (Noiz kontsultatua: 2021-05-31).
↑ (Gaztelaniaz) Urrutia, Javi. «Hiru Erregeen Mahaia (2.446 m)» https://www.mendikat.net (Noiz kontsultatua: 2019-11-15).

Ikus, gainera

Euskarazko Wikipedian bada atari bat, gai hau duena:
Nafarroa

Kanpo estekak

«Hiru Erregeen Mahaia», Hiru Erregeen Mahaia luberri.net webgunea.
«Hiru Erregeen Mahaia», Hiru Erregeen Mahaia Euskal-Herria.org webgunea.
"Mendikat" webgunean.

Datuak: Q546180
Multimedia: Mesa de los Tres Reyes / Q546180

[1] (Gaztelaniaz) Nacional, Instituto Geográfico. «Instituto Geográfico Nacional» Geoportal oficial del Instituto Geográfico Nacional de España (Noiz kontsultatua: 2021-05-31).

[2] (Gaztelaniaz) Urrutia, Javi. «Hiru Erregeen Mahaia (2.446 m)» https://www.mendikat.net (Noiz kontsultatua: 2019-11-15).

[1]

[2]