HLA-B27

HLA-B27
Mota	proteina
Identifikatzaileak
MeSH	D015796

HLA-B27 giza antigeno leukozitario bat da, I motakoa, nukleodun zelula guztietan dagoena. Histokonpatibilitate konplexu nagusiaren (MHC, ingelesez) gene batzuek (gizakiaren 6. kromosoman daudenak) bere sintesia kodetzen dute. Bere frekuentzia populazio batean aldakorra da: europarren %8k du antigeno hori (HLA-B27) beren zeluletan, baina japoniarren % 1ek soilik ^[1]. Eskandinavian, sami herrian % 24raino iristen da antigeno horren frekuentzia.

HLA-B27 antigenoa oso lotuta dago hainbat gaixotasun autoimmuneekin: espondilitis ankilosatzailearekin, artritis erreaktiboarekin, psoriasiarekin eta Crohn gaitzarekin, besteak beste ^[2]. Esaterako, espondilitis ankilosatzailea duten gaixoen �k HLA-B27 antigenoa du zelulen gainazalean.

Hala ere, HLA-B27 duten gizabanako askok ez dute inongo patologia autoimmunerik. Horrek esan nahi du gaitza pairatzeko beste zerbait ere gertatu behar dela, gaitza pizten duen ingurugiroaren beste faktore bat.

I motako beste giza antigeno leukozitarioaren antzera, HLA-B27k zelulako (degradatu diren proteinak) edo zelulatik kanpoko peptido batzuk aurkezten dizkie T linfozitoei (CD8 klasekoei).HLA-B27 eta gaixotasun autoimmuneen lotura azaldu ahal izateko hainbat hipotesi proposatu dira. Horietako batek dio HLA-B27 antigenoak gaitasun berezia izango lukeela bakterio edo birus baten antigeno bat lotzeko. Mikrobio horren antigenoa eta HLA-B27koak mimetismo antigeniko handia izango balute, T linfozitoek (CD8 ) konplexu horri eraso egingo liokete, autoimmunitatea agertuz ^[3]

Erreferentziak

↑ M. A. Khan (2010). "HLA and spondyloarthropathies". In Narinder K. Mehra (ed.). The HLA Complex in Biology and Medicine. New Delhi, India: Jayppee Brothers Medical Publishers. pp. 259–275. ISBN 978-81-8448-870-8
↑ HLA-B27 Labtet online
↑ Lopez de Castro, Jose A. (2007) En la génesis: HLA-B27 y patogenia de las espondiloartropatías Reumatología Clínica

Kanpo estekak

Datuak: Q420574
Multimedia: HLA-B27 / Q420574

[1] M. A. Khan (2010). "HLA and spondyloarthropathies". In Narinder K. Mehra (ed.). The HLA Complex in Biology and Medicine. New Delhi, India: Jayppee Brothers Medical Publishers. pp. 259–275. ISBN 978-81-8448-870-8

[2] HLA-B27 Labtet online

[3] Lopez de Castro, Jose A. (2007) En la génesis: HLA-B27 y patogenia de las espondiloartropatías Reumatología Clínica

[1]

[2]

[3]