Gorey

Gorey Guaire
Irlanda
Administrazioa
Estatua	Irlandako Errepublika
Probintzia	Munster
Konderria	Wexford konderria
Postakodea	Y25
Geografia
Koordenatuak	52°40′37″N 6°17′30″W
Altuera	48 metro
Demografia
Biztanleria	9.822 (2016)
Bestelako informazioa

Gorey (irlanderaz Guaire), Irlandako Wexfordeko konderrian dagoen udalerri bat da. 2011ko erroldaren arabera 9.114 biztanle ditu, hauetatik 3.463 baino ez hirigunean.

Historia

Goreyko eliza 1861ean eraiki zen. Herri txikia izan da orain gutxi arte, izan ere 1996an lau mila biztanletara ez baitzen iristen. Konderriaren iparraldean dagoenez, autoz ordubete eskasera dagoen Dublinen lan egiten dutenen lo-hiri bihurtu da eta honek ekarri du populazioaren hazkuntza nabarmena. hauei zerbitzua emateko bost supermerkatu eta bi hotel moderno eraiki dira.

Ikuskizunak

Antzerki talde oso aktiboa sortu da hirian. Astero bi emankizun egiten dituzte herriko lokaletan eta urtero astebeteko Antzerki Jaialdia antolatzen dute. Bi urtean behin pantomima jaialdia ere antolatzen dute.

Goreyko Musika Elkarteak ere urtero emankizun handi bat prestatzen du eta hainbat lehiaketa irabazi ditu. Musika taldeak ere ugari dira, batez ere irlandar folk tradizionala jotzen dutenak.

Hiri senidetuak

• Oban (Eskozia)

Kanpo estekak

• Goreyko udal webgunea (Ingelesez)

• Datuak: Q1004664
• Multimedia: Gorey / Q1004664