Gizon Ikusezina

Gizon Ikusezina
	Lehen argitalpenaren azala.
Datuak
Idazlea	Herbert George Wells (1897)
Argitaratze-data	1897
Generoa	zientzia-fikzioa, beldurrezko eleberria
Jatorrizko izenburua	The Invisible Man
Hizkuntza	ingelesa
Herrialdea	Erresuma Batua
Euskaraz
Izenburua	Gizon Ikusezina
Itzultzailea	Miren Arratibe
Argitaratze-data	1997
Bilduma	Literatura Unibertsala
Orrialdeak	248
ISBN	9788483250419

Gizon Ikusezina (jatorrizko ingelesezko izenburua The Invisible Man) Herbert George Wells ingeles idazleak idatzitako zientzia-fikziozko eta beldurrezko eleberri bat da. 1897an Pearson's Weekly astekarian atalka argitaratua izan zen.

Argumentua

Griffin zientzia aurkikuntza garrantzitsu bat lortuz dirua irabazi duen ingeles mediku buruargi bat da, horretarako izaki bizidunak nahiz objektuak ikusezin bilakatzeko modua topatzea otu zaio.

Esperimentuak burutzeko West Sussex konderriko Iping udalerrira joango da, bertako The Coach and Horses ostatuan bizitzen jarriz. Laisterrera, kanpotarraren itxura bitxi eta jokaera ezohikoak herritarrengan esamesak eta beldurra piztuko ditu. Harrotzak beroki lodi eta luzea eta eskularruak jantzi eta bere aurpegia guztiz estaltzen duten benda, betaurreko eta hegal zabaleko kapela daramatza, gainera, bakar-bakarrik egon nahi du, ia egun osoz bere gelan sartuta eta laborategiko gailu eta substantzia kimikoen artean igaroz, kanpora soilik gauez ateratzen delarik.