Giovanni Battista Casti

Giovanni Battista Casti
	; Irudi gehiago
Bizitza
Jaiotza	Acquapendente, 1724ko abuztuaren 29a
Herrialdea	Italia
Heriotza	Paris, 1803ko otsailaren 5a (78 urte)
Hezkuntza
Hizkuntzak	italiera
Jarduerak
Jarduerak	poeta, libretista, idazlea, erlijiosoa eta irakaslea

Giovanni Battista Casti (Acquapendente, Viterbo, 1724ko abuztuaren 29a - Paris, 1803ko otsailaren 5a) italiar idazlea izan zen.

Apaiz-ikasketak egin ondoren, Montefiasconeko apaiztegian hasi zen irakasle, 16 urte besterik ez zuela. Katalina II.a Errusiako tsarraren gortean egon ondoren (1778-1784), Austriako Frantzisko I.aren gorteko poeta izan zen (1790). Parisen bizi izan zen azken urteetan. Novelle Galanti (Galai kontakizunak, garai hartako ohituren satira, 1793) eta Gli Animali parlanti (Abere hiztunak, politikariak kritikatzen dituen alegoria poetikoa, 1802) dira haren obra garrantzitsuenak. Azken lan hori 1794-1802 urte-bitartean moldatu zuen, eta interes handia eragin zuenez, frantsesera, alemanera eta gaztelaniara itzuli zen, eta oso modu librean eta eranskinekin, baita ingelesera ere.

Goyaren Los desastres de la guerra serieko margolan batzuk Gli Animali parlanti idazlanaren 1813ko itzulpen batean oinarrituta daude.

Ondorengo opera hauetarako libretoak ere idatzi zituen: Il re Teodoro in Venezia (Giovanni Paisielloren musika, 1784); La grotta di Trofonio (Antonio Salieriren musika, 1785); Prima la musica e poi le parole (Antonio Salieriren musika, 1786); eta Catilina (Antonio Salieriren musika, 1792).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Giovanni Battista Casti

Datuak: Q251926
Multimedia: Giovanni Battista Casti / Q251926