Gerald Moore

Gerald Moore
	; Irudi gehiago
Bizitza
Jaiotza	Watford, 1899ko uztailaren 30a
Herrialdea	Erresuma Batua ; Britainia Handia eta Irlandako Erresuma Batua 1927ko apirilaren 12a)
Heriotza	Buckinghamshire, 1987ko martxoaren 13a (87 urte)
Hezkuntza
Heziketa	Watford Grammar School for Boys (en)
Hizkuntzak	ingelesa
Jarduerak
Jarduerak	piano-jotzailea
Lantokia(k)	Toronto
Jasotako sariak	ikusi Britainiar Inperioko Ordenaren komendadorea ; Fellow of the Royal College of Music ; Walter Willson Cobbett Medal ;
Genero artistikoa	lieda
Musika instrumentua	pianoa

Gerald Moore (Watford, Ingalaterra, 1899ko uztailaren 30a - 1987ko martxoaren 13a) britainiar piano-jotzailea izan zen.

Bere jaioterrian hasi zituen piano-ikasketak. 1913an haren familia Kanadara joan zen bizitzera, eta Moorek Torontoko Kontserbatorioan jarraitu zituen bere ikasketak.

Britainia Handira itzuli zenean bakarlari gisa aritzeko asmoak utzi eta laguntzaile gisa hasi zen. Yehudi Menuhin eta Emanuel Feuermannekin sonatak jo zituen batez ere, baina bestela, Liedak jotzen zituen gehienbat. Abeslarien piano laguntzaile izan zen, lehenbizi Chaliapine, Frida Leider, Elisabeth Schumann, Hans Hotter (Schuberten Winterreise eta Schwanengesang grabatu zuen harekin), Kirsten Flagstad (Wagnerren Wesendonck Lieder grabatzeko hautatu zuena) eta Kathleen Ferrierrena. Ondoren Victoria de Los Angeles, Elisabeth Schwarzkopf, Irmgard Seefried, Christa Ludwig, Janet Baker eta, batez ere, Dietrich Fischer-Dieskau ahots ospetsuekin aritu zen.

Hainbat hitzaldi eta ikastaro eman zituen mundu osoan, eta hainbat liburu idatzi zituen: The Unshamed Accompanist (1943, Laguntzaile lotsagabea), Singer and Accompanist (1953, Abeslaria eta laguntzailea), Am I too Loud? (1962, Ozenegi ari al naiz?), Schubert Song Cycles (1975, Schuberten abestiak), Farewell Recital (1978, Agur emanaldia).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Artikulu hau Ingalaterrako biografia baten zirriborroa da. Wikipedia lagun dezakezu edukia osatuz.

Datuak: Q712017
Multimedia: Gerald Moore / Q712017