Ferenc Puskás

Ferenc Puskás
	; Irudi gehiago
Bizitza
Jaiotzako izen-deiturak	Ferenc Purczeld Bíró
Jaiotza	Budapest, 1927ko apirilaren 1a
Herrialdea	Hungaria ; Espainia
Heriotza	Budapest, 2006ko azaroaren 17a (79 urte)
Hobiratze lekua	Doneztebe basilika
Heriotza modua	berezko heriotza: pneumonia
Familia
Ezkontidea(k)	Erzsébet Hunyadvári (en) (1950 - 2006ko azaroaren 17a)
Hezkuntza
Hizkuntzak	hungariera; gaztelania
Jarduerak
Jarduerak	futbolaria eta futbol entrenatzailea
Ibilbidea
	Parte-hartzailea 1962ko Munduko Futbol Txapelketa ; 1954ko Munduko Futbol Txapelketa ; 1952ko Udako Olinpiar Jokoak ;
Posizio edo espezialitatea	aurrelaria
Pisua	72 kilogramo
Altuera	169 zentimetro
Jasotako sariak	ikusi honorary citizen of Budapest (2001) ;
Izengoitia(k)	Puskás Öcsi, El Comandante Galopante, El Cañoncito Pum eta Pancho Puskas
	puskas.com…

Ferenc Puskás Biro (Budapest, Hungaria, 1927ko apirilaren 2a - 2006ko azaroaren 17a) futbolaria izan zen, futbolaren historiako jokalari onentsuenetako bat. Haren jaiotzako deitura Purczfeld zen, baina Bigarren Mundu Gerraren ondoren horren ordez Puskás jarri zuen (hungarieraz, «eskopeta»).

Aurrelaria zen, sormen eta eraginkortasun handikoa. Hungariako selekzioarekin 85 partidu jokatu zituen, eta 84 gol sartu. Gainera, Espainiako eta Hungariako futbol ligetan 511 gol sartu zituen jokatutako 533 partidetan.

Jokalari nagusietako bat izan zen 1950eko hamarraldiaren hasieran futbol selekzio onenean, baina Suitzako munduko txapelketan (1954) bigarrena izatea baino ez zuen lortu. 1956an, sobietarren inbasioaren ondoren, Puskas —nazioarteko 84 partidatan parte hartua ordurako— Real Madril taldean jokatzera joan zen, Alfredo Di Stefano, Raymond Kopa eta Francisco Gentorekin batera, besteak beste. Jokalari haiek futbolaren historiako aurreko lerro onenetako bat osatu zuten.

Espainiako selekzioarekin Txileko munduko txapelketan parte hartu zuen, 1962an. Jokalari izateari utzi ondoren, zenbait futbol talderen entrenatzailea izan zen, Grezian eta Australian.

Palmaresa

Hungariako lau liga irabazi zituen, Honved taldearekin, eta Espainiako sei liga eta Kontinente arteko Kopa eta Europako Kopa bana, berriz, Real Madrilekin.

Ikus, gainera

Wikimedia Commonsen badira fitxategi gehiago, gai hau dutenak: Ferenc Puskás

FIFA 100

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q482931
Multimedia: Ferenc Puskás / Q482931