Fabian Gottlieb von Bellingshausen

Fabian Gottlieb von Bellingshausen
	; Irudi gehiago
Bizitza
Jaiotza	Saaremaa, 1778ko irailaren 9a (juliotar egutegia)
Herrialdea	Errusiar Inperioa
Heriotza	Kronstadt, 1852ko urtarrilaren 13a (juliotar egutegia) (73 urte)
Hobiratze lekua	Kronstadt
Hezkuntza
Heziketa	Naval Cadet Corps (en) 1797) ; St. Petersburg Naval Institute (en)
Hizkuntzak	errusiera; alemana
Jarduerak
Jarduerak	esploratzailea, kartografoa, militarra eta itsasturia
	Parte-hartzailea First Russian circumnavigation (en) ; First Russian Antarctic expedition (en) ;
Jasotako sariak	ikusi Order of St. Vladimir, 3rd class : First Russian Antarctic expedition (en) ; Order of St. Vladimir, 1st class (1846) ; Order of St. George, 4th class ; Order of St. Vladimir, 2nd class ; Order of the White Eagle ; Order of Saint Alexander Nevsky (1842) ; Order of Saint Anna, 1st class with imperial crown ; Order of the Bath ; Order of Saint Louis ; Order of St. Vladimir ;
Zerbitzu militarra
Gradua	admiral (en)
Parte hartutako gatazkak	Errusiar-turkiar Gerra (1828-1829)

Fabian Gottlieb Thaddeus von Bellingshausen (errusieraz: Фаддей Фаддеевич Беллинсгаузен; Faddey Faddeyevitx Bellinsgauzen) (Saaremaa, 1778ko irailaren 20a^greg./irailaren 9a^jul. - Kronstadt, 1852ko urtarrilaren 25a^greg./urtarrilaren 13a^jul.) Errusiar Inperioko marinel gisa jardun zuen eta Lurraren inguruan nabigatzeko bigarren espedizio-buru izan zen.

Biografia

Baltikoko alemaniar familia batean jaioa, 10 urte zituela kadete gisa lan egin zuen. Kronstdadteko Itsas Akademian graduatu zen 18 urte zituela. 1819an, Alexandro I.a Errusiako Tsarrak Ipar polora espedizio zientifikoa bidali zuen. Bellingshausen, Mikhail Lazarev kapitania zuen Mirny korbetarekin lagunduta, Vostok bandera-ontzian espedizio-buru izan zen. 1820. urtean, zuzentzen zuen flotak Zirkulu polar antartikoa zeharkatu zuen. 1820ko urtarrilaren 27an, Antartikako lur kontinentala ikusi zuen, gutxi gorabehera 69°21′28″S 2°14′50″W / 69.35778°S 2.24722°W / -69.35778; -2.24722 koordenatuetan, eta horregatik, iturri askok kontinentearen aurkitzailea dela uste dute.^[1] Ia 3 urte iraun zuen kanpainan, 1821. urtean, Petri I.a uhartea eta Alexandro I.a uhartea aurkitu zituen, bakoitza bere tsar errusiarren ohoretan horrela izendatua, eta Hegoaldeko Georgiak uharteak esploratu zituen.

1828-29ko Errusia-Turkia Gerran nabaritu zen, batez ere Itsaso Beltzean. Kronstadteko gobernadorea izan zen, non estatua bat eraiki zuten bere oroimenean. Bi espedizio ozeano glaziarrera eta Lurraren inguruko bidaia (San Petersburgo, 1831), eta itsasoan punteria egiteko modua idatzi zituen. Kronstadtean hil zen 1852an, almiranteorde maila izanez.

Aintzatespenak

Antartika inguruko Bellingshausen espedizioaren ibilbidearen mapa.

Bere omenez, Antartikako hainbat elementu geografiko izendatu dira, hala nola:

Bellingshausen uhartea Hego Ozeano Atlantikoan;
Bellingshausen itsasoa, Ozeano Antartikoaren itsasoetako bat;
Bellingshausen plaka, plaka tektoniko zahar bat;
Bellingshausen basea, Jurgi Erregea uharteko base errusiar bat, Hego Shetlandak uhartedian;
Bellingshausen ere erabiltzen da Motu One atoloia izendatzeko Polinesia Frantseseko Sozietate uharteetan.

Halaber, Bellinsgauzen ilargiko kraterra bere omenez izendatzen da.

Erreferentziak

↑ Ikus azterketa zehatza hemen: Jones. A. G. E. (1982). Antarctica observed: Who discovered de Antarctic continent?. Whitby: Caedmon of Whitby Press.

Kanpoko loturak

(Ingelesez) 70South.com - Informations sur Fabian von Bellingshausen
(errusieraz) Двукратные изыскания в Южном Ледовитом океане и плавание вокруг света... Bellingshausen-en liburua, Antartikako bere espedizioari buruzko xehetasunekin.
(errusieraz) Biografia.
(errusieraz) espedizioaren mapa bat, (adi egon! datek Juliotar egutegia jarraitzen dute).

Datuak: Q76754
Multimedia: Fabian Gottlieb von Bellingshausen / Q76754

[1] Ikus azterketa zehatza hemen: Jones. A. G. E. (1982). Antarctica observed: Who discovered de Antarctic continent?. Whitby: Caedmon of Whitby Press.

[1]