Euskal venezuelar

Euskal venezuelarrak
Fernando Amorebieta • Simón Bolívar • Unai Etxebarria • Boris Izaguirre • Wolfgang Larrazábal • Garbiñe Muguruza
Biztanleak guztira
?
Biztanleria nabarmena duten eskualdeak
Herrialdean zehar
Hizkuntza
Gaztelania eta euskara
Erlijioa
Gehiengo katolikoa, gutxiengo sekularizatua
Zerikusia duten beste giza taldeak
Euskaldunak

Euskal venezuelarrak (gaztelaniaz: vasco-venezolanos) XVI. mendetik aurrera Venezuelara iritsitako euskal herritar migratzaileen ondorengoek osatutako gizataldea da. Halaber, Hego Amerikako herrialde hartan hainbat euskal deitura daude eta bertako toponimian ere aztarnak ugari dira.

Historia

Aitzindariak

Joan Perez Tolosakoa 1546an ailegatu zen Cabo de la Vela eskualdera eta Coro eta Tocuyoko epailea izan zen. Hasieran Espainiako Inperioak Hispaniolatik gobernatu zuen kostaldea baina laster barnealdera egin zuten espedizioak El Dorado hiri mitikoaren bila (ad. Lope Agirre eta Pedro Urtsua 1561ean).

1728an Caracasko Gipuzkoar Konpainia sortu zen, bere garaiko ospetsuena zena. Monopolioari esker hainbat euskaldun ospetsu bilakatu ziren Venezuelan, tartean Blas Lezo.

XX. mendetik aurrera

1939an, Espainiako Gerra Zibila zela eta, euskal herritar askok Venezuelan hartu zuten babes. Eleazar López Contrerasen gobernuak ekainaren 24an Le Havreko portutik zetorren "Cuba" itsasontziari ongietorria eman zion. Caracasko hedabideek kritikatu arren, handik aurrera hainbat euskaldun ailegatu ziren.

1950eko martxoaren 3an erbesteratuek Caracasko Euskal Etxea sortu zuten, Jose Antonio Agirre lehendakaria eta Jesus Galindez ordezkariaren bertan egonda. Eusko Gaztedi jada antolaturik zegoen eta baita ETArekin lotutako talde bat ere.

Euskal venezuelar ospetsuak

• Fernando Amorebieta, futbolaria.
• José Antonio Anzoátegui, militarra.
• Fernando Aristeguieta, futbolaria.
• Goizeder Azúa, modeloa.
• Doris Benegas, politikaria.
• José María Benegas, politikaria.
• Simón Bolívar, militarra.
• Xabier Elorriaga, aktorea.
• José Esparza, birologoa.
• Unai Etxebarria, txirrindularia.
• Yon Goikoetxea, abokatua.
• Francisco de Guruceaga Iturriza, apezpikua
• Boris Izaguirre, kazetaria
• Wolfgang Larrazábal, militar eta politikaria
• Leopoldo López, politikaria
• Narciso López, militarra.
• Cristobal Mendoza, politikaria
• Eduardo Mendoza Goiticoa, zientzialaria.
• Garbiñe Muguruza, tenislaria
• Rafael Urdaneta, militarra
• José Uzcátegui, boxeolaria.
• Ramón José Velásquez, politikaria.
• Mikel Villanueva, futbolaria.
• Oswaldo Vizcarrondo, futbolaria.
• Stephanie de Zorzi, modeloa.

Ikus, gainera

• Euskal diaspora
• Venezuelako demografia

Kanpo estekak

• Datuak: Q30324087