Emma Raducanu

Emma Raducanu
(2021) Irudi gehiago
Bizitza
Jaiotza	Toronto, 2002ko azaroaren 13a (22 urte)
Herrialdea	Erresuma Batua
Bizilekua	Londres
Hezkuntza
Heziketa	Newstead Wood School (en)
Hizkuntzak	ingelesa mandarin txinera
Jarduerak
Jarduerak	tenislaria
Tenis
Jokaera	eskuina eta bi eskuz errebeska jotze
Bakarka i/g	109–57
Binaka i/g	0–1
Rankinga	10 tennis singles (en) (2022ko uztailaren 11) 20 junior tennis (en) (2018ko abenduaren 31)
Parte-hartzailea 2021 US Open – women's singles (en) (1.)
Entrenatzailea	Nigel Sears (en) Andrew Richardson (en)
Altuera	1,75 metro
Jasotako sariak	ikusi BBC Sports Personality of the Year Award  (2021) WTA Newcomer of the Year  (2021) Britainiar Inperioko Ordenaren kidea  (2022ko urtarrilaren 1a)
Influentziak	Li Na eta Simona Halep

Emma Raducanu (Toronto, 2002ko azaroaren 13a) tenislari britainiarra da. 2021ean sailkapen kanporaketatik abiatuta eta setik galdu gabe Grand Slam bat irabazi zuen lehen tenislaria izan zen, US Openeko finalean Leylah Fernandez mendean hartuta.

Profila

Raducanu Toronton jaio zen, Kanadan, eta aita errumaniarraren eta ama txinatarraren alaba da.. Bere familia Erresuma Batura joan zen Emmak 2 urte zituenean, eta Londresen bizitzen jarri zen. Tennis Academy Bromleyn tenisa jokatzen hasi zen bost urterekin. Newstead Wood School-eko ikaslea izan zen, Londresko Bromley barrutian dagoen Lehen Hezkuntzako Estatuko eskola batean. Bere aitaren amonari bisita egin zion Bukaresten (Errumania) urtean behin baino gehiagotan. Errumaniako sukaldaritza gustatzen zaio. Tenisean erreferenteak Na Li txinatarra eta Simona Halep errumaniarra dira.

Karrera Tenistikoa

Junior mailan, Emma Raducanuk bere lehen txapelketa irabazi zuen Liverpoolen, 13 urte bete eta egun gutxira. Lau titulu irabazi zituen jarraian 2018 hasieran, Indian, Moldavian eta Lituanian. Junior mailako Wimbledon torneoko final-laurdenetara ere iritsi zen, Iga Šwiątekek garaituta, eta US Open mailan Clara Burelen aurka galdu zuen. Aldi berean, senior mailako zirkuitu profesionalean hasi zen, eta bi torneo irabazi zituen Israelen eta Turkian. 2019 amaieran, Punen (India) irabazi zuen.

2021eko Nottingham Openean izan zuen WTA txapelketa bateko koadro nagusian debuta, bakarkako koadrorako gonbidapen bat (wildcard) jaso ondoren. Era berean, Grand Slam batean, Wimbledon 2021ean, koadro nagusian debutatu zuen beste gonbidapen bat jasota. 2021eko apirilaren 3ra arte, Wimbledoneko Open Aroan 16ko finalerdietara iritsi zen britainiar gazteena izan zen, errumaniar Sorana Cîrsteari irabazi ondoren. Txapelketan zuen parte-hartzea amaitu zuen Australiako herritartasuna hartutako kroaziar Ajla Tomljanovićen aurka galduz.

2021ean, Estatu Batuetako Irekia irabazi zuen, bere lehen WTA txapelketa, Leylah Annie Fernandez kanadarrari 6-4 eta 6-3 irabaziz. Raducanu tenisaren historian lehenengo jokalaria izan zen, gizonezko zein emakumezko, txapelketa berean hamar partida irabazi eta Grand Slam bateko finalera sailkapenetik abiatuta iritsi zena. Lorpen hori, gainera, set bakar bat ere galdu gabe eta tie break bat ere jokatu gabe lortu zuen.

2022an, Alize Cornet frantziarraren aurka galdu zuen Estatu Batuetako Irekiko lehen errondan, 6-3 bikoitz batekin eta 55 minutuko partidarekin. Horren ondorioz, ezin izan zuen 2021ean irabazitako titulua berriro eskuratu.

Raducanu 2022an Britainiar Inperioaren Ordenako Komendadore izendatu zuten (CBE) bere kirol-arrakastengatik.

Kanpo estekak

• Datuak: Q64849968
• Multimedia: Emma Raducanu / Q64849968