Ebbe Gaztea
| Ebbe Gaztea | |||
|---|---|---|---|
 | |||
| |||
| Bizitza | |||
| Jaiotza | I. milurtekoa | ||
| Herrialdea | Northumbria | ||
| Heriotza | Coldingham Priory (en)  , 870 (egutegi gregorianoa) ( urte) | ||
| Hezkuntza | |||
| Hizkuntzak | ingelesa | ||
| Jarduerak | |||
| Jarduerak | moja | ||
| Santutegia | |||
| Apirilaren 2 | |||
| Sinesmenak eta ideologia | |||
| Erlijio-ordena | Beneditar | ||
Ebbe deuna, Ebbe Coldingham-ekoa [baita ere Æbbe, Aebbe, Abb] edo Ebbe Gaztea santu eta martiri kristaua da (870an hila) Coldingham-eko komentuko nagusia izan zena, hego-ekialdeko Eskozian.[1]
Garai hartako Bretainia Handi Anglo-Saxoian izenez ezagutzen ditugun emakumezko beste santu batzuen kasuan bezala, gutxi dakigu berari buruz, ezta benetako pertsonaia ote zen.[2] Agiriek, dena dela, diote nagusia zela Beneditarren Abadia batean Coldingham-en.[3]
Bere martiri heriotza da ezaguna, ordea. Kronikak dio Danimarkako bikingo inbaditzaileek abadia hartu behar zutenean, gainerako lekaimeen aurrean Ebbe Gazteak sudurra moztu zuela, horrekin bortxaketa saihesteko. Gainerako mojek bere adibidea jarraitu zuten.[4] Inbaditzaileek itxura harekin ikusi zituztenean emakumezkoak ez zituzten bortxatu, baina horrekin ez ziren salbatu heriotzatik, bikingoek su eman baitzioten komunitateari, bertan ziren guztiak hilez.
Ingelesez esamolde bat dago, "Cutting off the nose to spite the face", sudurra moztu aurpegia salbatzeko, agian Ebbe Gaztearen istorioan oinarritua. Zera esan nahi du esakunakː oker nabarmen bat saihesteko neurri auto-suntsitzaile bat hartzea alferrekoa izan daitekeela, ustez saihestu nahi den okerra baino are oker larriagoa egin diezaiokezulako zeure buruari.
Erreferentziak
[aldatu | aldatu iturburu kodea]- ↑ (Ingelesez) Farmer, David. (2011). The Oxford Dictionary of Saints. Oxford University Press, 133 or..
- ↑ Pulsiano, Philip. (1999). Parergon 16 (2).
- ↑ Barret, OSB, Michael. “Saint Ebba, Virgin and Abbess, and her Companions, Martyrs, A.D. 870”. The Calendar of Scottish Saints, 1919
- ↑ (Ingelesez) Horner, Shari. (1994). Spiritual Truth and Sexual Violence: The Old English Juliana, Anglo-Saxon Nuns, and the Discourse of Female Monastic Enclosure. ISBN 9780801430381..