Donald Trumpen hilketa saiakera Pennsylvanian

Donald Trumpen hilketa saiakera Pennsylvanian
Mota	assassination attempt (en) Biolentzia politiko shooting attack (en)
Data	2024ko uztailaren 13a (18:11 (en) . Ekialdeko Ordu-eremu)
Kokaleku	625 Evans City Road, Butler, Pennsylvania
Herrialdea	Ameriketako Estatu Batuak
Argazkilari	Doug Mills (en)
Helburu	Donald Trump
Biktima	Donald Trump (target (en) , survivor (en) , hildako) Corey Comperatore (en) (rally attendee (en) , giza hilketaren biktima, shooting victim (en) ) David Dutch (en) (survivor (en) ) James Copenhaver (en) (survivor (en) ) ezezaguna (shooting victim (en) , rally attendee (en) ) ezezaguna (lege-agente)
Pertsona hilak	2 1
Pertsona zaurituak	5
Nork ikertua	Ameriketako Estatu Batuetako Isilpeko Zerbitzua, Ameriketako Estatu Batuetako Justizia Saila, Federal Bureau of Investigation eta Bureau of Alcohol, Tobacco, Firearms and Explosives (en)
Erantzule	Thomas Matthew Crooks (susmagarri, shooter (en) , assassin (en) )
Arma	AR-15 style rifle (en)
Komunikabide

Donald Trumpen hilketa saiakera 2024ko uztailaren 13an gertatu zen, Butler hirian, AEBko Pennsylvania estatuan, mitin bat ematen ari zen unean. Thomas Matthew Crooks izeneko tiratzaile batek tiro egin zion Trumpi, eta arinki eskuineko belarrian zauritu zuen. Agintariek jakinarazi zutenez, erasotzaileak goitik tiro egin zuen AR-15 fusil erdiautomatiko batekin; ondoren, Zerbitzu Sekretuko kide batek tiratzaile hil zuen. Trump eskuineko belarrian zaurituta, ibilgailu batera eraman zuten. Ondoren, ospitalera eraman zuten eta egoera egonkorrean zegoela adierazi zuten. Susmagarria eta mitinen zegoen pertsoa bat hil ziren, eta beste bi pertsona larri zauritu ziren.

Hilketa saiakera bat bezala ikertu zen gertakaria. Ronald Reagan 1981ean tirokatu zutenetik, lehen aldiz zauritu dute AEBetako presidente edo presidentegai bat eraso armatu batean.

Gertaerak

Donald Trump Ameriketako Estatu Batuetako presidente ohi eta Alderdi Errepublikanoko presidentegaia zauritu egin zuten atentatu batean. Pennsylvanian mitin batean hizketan ari zela, tiro egin zioten mitinaren eremutik kanpo zegoen teilatu batetik. Hotsak entzun eta berehala Trumpek belarri ingurura eraman zuen eskua, eta makurtu egiten zen gero. Berriro altxatzean, Trump, jada segurtasun indarrez inguratuta, belarria odoletan zuela ageri zen. Segurtasun zerbitzuek oinez atera zuten mitinetik, ukabila altxatuta, eta auto batean atera zuten handik ondoren. Trumpen bozeramaile Steven Cheungek jakinarazi zuen Trump onik zegoela. Fox telebista kateak New Jerseyn haren hegazkinak lur hartu zueneko irudiak zabaldu zituen, eta hegazkinetik bere kabuz jaisten ageri zen.

Erasotzailea

Thomas Mathiew Crooks izan zen erasotzailea, Pennsylvaniako 20 urteko gazte bat. Lehen datuen arabera, Alderdi Errepublikanoko kide zen, baina duela urte batzuk Alderdi Demokratari hamabost dolarreko dohaintza egin ziola ere esan zuten. Harekin batera, atentatuan beste norbaitek parte hartu zuen ere susmoa zabaldu zen.

Pittsburgheko WTAE telebistaren arabera, AR-15 errifle erdi automatiko bat erabili zuen erasotzaileak, eta zortzi tiro egin zituen guztira. Sare sozialetan teilatu batean hilda zegoen gaztearen irudiak zabaldu ziren. Ehizarako arropa zeraman jantzia. Ez zuen, ordea, inolako nortasun agiririk. Horregatik, orduak behar izan zituzten identifikatzeko.

Kanpo estekak

• Datuak: Q127421251
• Multimedia: Attempted assassination of Donald Trump / Q127421251