Dmitri Tursunov

Dmitri Tursunov
	; (2014) Irudi gehiago
Bizitza
Jaiotza	Mosku, 1982ko abenduaren 12a (41 urte)
Herrialdea	Errusia
Bizilekua	Mosku
Hezkuntza
Hizkuntzak	errusiera
Jarduerak
Jarduerak	tenislaria
Tenis
Jokaera	eskuina eta bi eskuz errebeska jotze
Bakarka i/g	231–218
Binaka i/g	111–128
	Parte-hartzailea 2012ko Udako Olinpiar Jokoak ; 2008ko Udako Olinpiar Jokoak ;
Pisua	82 kilogramo
Altuera	185 zentimetro

Dmitri Igorevitx Tursunov (errusieraz: Дми́трий И́горевич Турсу́нов; Mosku, 1982ko abenduaren 12a) Errusiako tenis jokalari profesionala da. Baselinak egiten abila eta bere passing ikusgarriek egiten dute jokalari ona. Tursunov lur-mota azkarretan moldatzen da eta lur-zelaiak ditu gorrotokoen. 2006. urtean 20. postura iristea lortu zuen eta gaur egun postu horren inguruan dabil, ATP-sailkapenaren arabera.

Jackie Chan, Will Ferrell eta Owen Wilson aktoreen jarraitzailea da eta afizioak Elektronika eta Dance musika, lagunak eta karreretako kotxeak dira.

Ibilaldi profesionala

Tursunov bere herrialde-kide Marat Safin eta Igor Andreev bezala 12 urte zituenean alde egin zuen Errusiatik bere entrenamenduak serioski hartzeko asmoz. Safin eta Andreev ez bezala, non Valentziara joan ziren, Tursunov AEBetara joan zen eta bertan Maria Sharapovaren adiskide bihurtu zen.

Tenisean bere aita, Igorrek, ingeniaritza nuklearren mantenua ikasitakoa, sartu zuen. 12 urte zituenean Tursunov Kaliforniara lekualdatu zen, Higueras-Gorin Tenis-Akademiara hain zuzen. Bere ama aldiz, Svetlana, kontablea da. Tursunov tenislari profesional bihurtu zen 200. urtean. Bere ibilaldi-profesionalean zehar hainbat lesio izan ditu: Lehenengoa bere lehenengo urtean izan zen eta denboraldiaren 4 hilabete galdu zituen. Hurrengo urtean, 2001ean, Tursunov Boca Ratonen irabazi zuen Jeff Morrison-en aurka, gero Dallasko txapelketa irabazi zuen Justin Bower-en aurka gailenduz finalean. Garrantzi gabeko bi txapelketa hauen ondoren Tursunov bere lehenengo ATP-txapelketara iristea lortu zuen, Menphisera. Bertan final-laurdenetara iristea lortu zuen Kevin Kim, Greg Rusedski eta George Bastl bezalako jokalariak irabaziz, eta bertan, final-laurdenetan txapelketako irabazlearen kontra galdu zuen, Mark Philippoussis-en aurka hain zuzen. Menphiseko txapelketaren ondoren, bizkarreko hezur bat hautsi zuen eta zirkuitu-profesionala utzi behar izan zuen 9 hilabetez.

2003an Tursunov bere lehenengo Grand Slam-ean, AEBetako Openean, sailkatu zen eta bertan, Gustavo Kuerten, 1. postu ohia, eta John van Lottum-en aurkako partiduak irabaziz. 3. fasean kanporatu geratu zen Xavier Malisse-ren aurka galdu zuenean. Garrantzi gabeko hainbat txapelketa irabazi ostean 2003. urtea lehenengo 100en artean bukatu zuen ATP-sailkapenean. Tursunov 4 Grand Slam-etan parte hartu zuen 2004ean, eta Wimbledon izan zen gehien iraun zuena, 3. fasean kanporatua izan zen Carlos Moya-ren eskuz, baina Marat Safin eta Sargis Sargsian bezalako jokalari ospetsuak irabazi ostean.

AEB-tako Openean kanporatua izan ondoren, istripu bat izan zuen eta 7 hilabetez kanpo geratu zen berriro. Bere itzuleran, 2005ean, Wimbledonen 4. fasera iristea lortu zuen, Tim Henman tenislari britainiarrari gailenduz. Partida honen ostean zale britainiarrek jantziak lapurtu zizkioten Tursunoveri, eta hurrengo partida kamiseta arrunt batekin jokatu behar izan zuen. Sebastian Grosjean tenislari frantziarrak irabazi zuen 4. fasean 5 jokoko partida luzean.

Hobetzen hasia zen Tursunov eta Davis Kopan Errusiar taldearekin jokatu zuen final-erdietan Kroaziaren aurka eta bere partida irabaztea lortu zuen Ivo Karlović-en aurka eta berriro ere lehenengo 100en artean bukatu zuen urtea.

2006. oso oparoa izan da Tursunoventzat. Izan ere, bere lehenengo ATP-txapelketa irabaztea lortu zuen Mumbain, Indian, eta final batera iristea lortu zuen, non Los Angelesen Tommy Haasen aurka galdu zuen. Gainera Davis Kopan Errusiarekin jokatzea lortu zuen berriro Richard Gasquet jokalari frantziarra irabaziz, Errusia final-erdietara igarotzen lagunduz, Andy Roddick jokalari amerikarra irabaziz final-erdietan, eta finalean aldiz binakako partida jokatu zuen Marat Safinekin eta bikote argentinarrari gailendu ziren 3 jokoetan bakarrik.

4 Grand Slam-etan emaitza onak lortu zituen gainera.

Azkenik 2007an Perthko Hopman Kopan, Nadia Petrova-rekin batera, Errusia ordezkatu zuten eta irabaztea lortu zuten Anabel Medina Garrigues eta Tommy Robredo bikote espainiarrari bi partidetan irabaziz.

Banaka

Sariak

Zenb.	Data	Txapelketa	Lur-mota	Aurkaria	Emaitza
1.	Irailak 25, 2006	Mumbai, India	Gogorra	Tomáš Berdych	6-3 4-6 7-6(5)

Finalista

2006: Los Angeles ( Tommy Haas )

Taldeka

Sariak

Zenb.	Data	Txapelketa	Taldea	Lur-mota	Aurkaria	Emaitza
1.	Abenduak 2, 2006	Davis Kopa	Errusia	Gogorra	Argentina	3-1
2.	Urtarrilak 5, 2007	Hopman Kopa, Perth	Nadia Petrova	Gogorra	Anabel Medina Garrigues – Tommy Robredo	2-0