Chlamydomonas

Chlamydomonas
	Chlamydomonas mikroskopio elektronikoan ikusita; Irudi gehiago
Sailkapen zientifikoa
Erreinua	Plantae
Klasea	Chlorophyceae
Ordena	Volvocales
Familia	Chlamydomonadaceae
Generoa	Chlamydomonas; Ehrenberg

Chlamydomonas lurrean eta ur gezatan bizi den protista zelulabakarra da, algen taldean sailkatzen dena. Madari baten itxura du, askotan pilota batena. Zelularen mutur batean dituen bi flageloen bidez mugitzen da.

Oso ohikoa da eguzkitan dauden urmael eta ur-putzuetan, alga guztiak bezala autotrofoa baita. Kloroplasto bakarra du, klorofila duena; honek berde kolorea ematen dio alga zelulabakar honi.

Euglenaren antzera organo fotorrezeptorea dauka, argirantz mugiarazten duena.

Fotosintesia burutzen du eta ekoizten duen glukosa almidoi moduan pilatu egiten du.

Protista hau oso erabilia izan da ikerketa zientifiko ugari burutzeko, batez ere genetika eta biologia molekularreko arloetan.