Biztu irratia
| Biztu irratia | |
|---|---|
| Datuak | |
| Mota | irrati-estazioa |
| Herrialdea | Espainia |
Pasealekuko Gaztetxean herri mugimenduek 2008an sortu zuten BUSTI irratia baina handik denbora batera emititzeari utzi zion. 2011n herri mugimenduak arma fabrika izandako ASTRA eraikinera mugitu ziren beraien autogestio eta eraldaketarako ametsak bateratzeko. 2012 urtean zehar egin zen irrati libre bat sortzeko ahalegina, baina momentu hartan ez zen indar nahikorik egon proiektua aurrera eramateko eta berriz geratu zen Busturialdea irrati herrikoirik gabe.
2016 amaieran ASTRAn irratia berpiztea erabaki zuen ilusioz beteriko gazte talde batek. Aldi berean Metal Fabrika[1] festibal musikalaren sortzaileek irrati baten sorrera ekonomikoki laguntzea interesgarri ikusi zuten. Honela gazteen indarra, aurreko kideen ezagutza, Metal Fabrika kontzertuen diru laguntza, Hackelarreko[2] kideek berreskuratutako ordenagailuak eta Astrak utzitako espazioari esker, irrati estudio xume baina erabilgarri bat sortu zuten. Irratiaren lehen denboraldirako hiru helburu jarri zituzten:[3]
- Busturialdean irratiarekiko grina sustatzea herritik sortutako irrati berri hau abiapuntu izanik. Gasteiz, Ondarroa, Bilbo edo Bergara moduko herri eta hirietan aspalditik zuten bidelagun zuten irrati libre bat. Normalizatua zuten uhinetara beraien ahots eta gustuko eramateko komunikabide tresna hurbil hori edukitzea. Gernikan aurretik irratiak egon baziren ere (Betekada, Ukabi, Txatxi) une horretan ez zuten emititzen eta berriro presente egotea nahi zen.
- Komunikabide tresna bat herriaren eskuetan jartzea. Edozein eragile edo norbanakok zerbait esan, komunikatu edo adierazi nahi balu, bai hitzez edo bai soinuz, horretarako prest dagoen tresna bat eskaintzea.
- Hasieran sortutako hiru irratsaioak (Metal Fabrika, Gaberdiko Cowboy eta Marginalia) Interneteko uhinetan mantentzea bakoitzak gutxienez hilean irratsaio bat eskainiz.
Lehen urtean zuzenean internetez soilik emitituz zuten ibilbidea, baita irratsaioen podcast-ak sortuz ere. ARROSA Irrati Sareko irratsaioak baliatuz oso parrilla interesgarria bete zuten entzule eta irratizale berriak apurka bereganatzea zuten helburu eta bere leloa: BIZTU IRRATIXE!!!![3]
Erreferentziak
[aldatu | aldatu iturburu kodea]- ↑ «Metal Fabrika» www.facebook.com (Noiz kontsultatua: 2024-09-19).
- ↑ (Gaztelaniaz) Veo veo. (Noiz kontsultatua: 2024-09-19).
- ↑ a b Nondik ta nora? | Biztu irratixe. (Noiz kontsultatua: 2024-09-19).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q130324502