Armentièreseko gudua

Armentièreseko gudua
	Lehen Mundu Gerra
	Mendebaldeko Frontea
	La Baséetik Armentièresera, 1914ko urria
Data	1914ko urriaren 13tik azaroaren 2ra
Lekua	Armentières, Frantzia
Koordenatuak	50°42′N 2°54′E / 50.7°N 2.9°E
Emaitza	Garailerik gabekoa
Gudulariak
Alemaniar Inperioa	Britainia Handia ; Frantzia
Buruzagiak
Rupprecht Bavariakoa	Sir Horace Smith-Dorrien
Indarra
Bost dibisio	Bi dibisio, brigada bat ; Conneauren Zalditeria Gorputza
Galerak
5.779 hildako eta zauritu	11.300 hildako eta zauritu

Armentièreseko gudua (Lilleko gudua ere deitua) 1914ko urrian gertatu zen, Frantzia iparraldean zehar mugitzen ari ziren indar alemaniar eta franko-britainiarren artean. Armaden arteko ahaleginetan, aurkariaren iparreko hegala inguratzeko nahian, Itsasorako Lasterketa hasi zen, Lehen Mundu Gerrako Mendebaldeko Fronteko mugimendu gerraren azken fasea. Britaniar Armada Espedizionarioaren tropak (BAE-BEF) Aisneko frontetik iparraldera joan ziren urriaren hasieran, jarraian Frantziako tropekin batera hegoalderantz erasoa hasi zuten, Alemaniako Inperioaren zalditeria eta Jäger infanteria Lillerantz bultzatuz, urriaren 19ra arte. Alemaniar VI. Armadako infanteria urrian iritsi zen bertara, egoera baretzeko asmoz.^[1]

VI. Armadak urriaren amaieran Arras iparraldetik erasoei ekin zien, Armentièreserantz, non Douve ibaiaren iparrean, Lys ibaitik haratago, BAEren III. Armada-Gorputza kokatuta zegoen. Eraso oso gogorra izan zen, eta bi aldeek galera latzak jasan zituzten. Alemaniarrek britainiarrak zenbait alditan atzera egitera behartu zituzten, baina azken hauek Armentières bera mantentzea lortu zuten. III. Armada-Gorputzaren defentsa etsigarria izan zen, baina britainiar eta frantziar errefortzuekin lerroa egonkortu zen amaieran. Lilleko inguruan egindako erasoa hasiera batean garrantzitsuena izan bazen ere, Alemaniako 4. armadak Ypres eta Yser ibaiaren inguruan egindako erasoaldia alemaniarren ahalegin nagusia bihurtu zen jarraian. VI. armadaren erasoak urriaren amaieran intentsitate gutxiagoz egin ziren, eta azaroan gutxitzen joan ziren orokorrean, gelditu arte.^[1]^[2]

Flandriako kanpainiaren amaierarekin frontea egonkortu zen guztiz. Bai Aliatuek bai Alemaniak bestea inguratzeko aukera galdu zuten, eta hurrengo hiru urteko lubaki-gerrari hasiera eman zioten.

Erreferentziak

↑ ^a ^b Doughty, Robert Allan; Doughty, Robert A.. (2005). Pyrrhic victory: French strategy and operations in the Great War. Belknap Press of Harvard Univ. Press ISBN 978-0-674-01880-8. (Noiz kontsultatua: 2024-11-24).
↑ «Military Operations» Military History and Policy (Routledge) 2003-06-10 ISBN 978-0-7146-5495-9. (Noiz kontsultatua: 2024-11-24).

Kanpo estekak

Datuak: Q2887888
Multimedia: Battle of Armentières / Q2887888

[:0-1] Doughty, Robert Allan; Doughty, Robert A.. (2005). Pyrrhic victory: French strategy and operations in the Great War. Belknap Press of Harvard Univ. Press ISBN 978-0-674-01880-8. (Noiz kontsultatua: 2024-11-24).

[2] «Military Operations» Military History and Policy (Routledge) 2003-06-10 ISBN 978-0-7146-5495-9. (Noiz kontsultatua: 2024-11-24).

[1]

[2]