Alexander Tansman

Alexander Tansman
	; Irudi gehiago
Bizitza
Jaiotza	Łódź, 1897ko ekainaren 12a
Herrialdea	Polonia ; Frantzia (1938 -
Heriotza	Parisko 16. barrutia, 1986ko azaroaren 15a (89 urte)
Hobiratze lekua	Cimetière Sud de Saint-Mandé (en)
Hezkuntza
Heziketa	Varsoviako Unibertsitatea ; Chopin University of Music (en)
Hizkuntzak	frantsesa; poloniera
Jarduerak
Jarduerak	orkestra zuzendaria, musikagilea, piano-jotzailea eta soinu banda konpositorea
Jasotako sariak	ikusi Arte eta letren komendadorea ;
Kidetza	Royal Academy of Science, Letters and Fine Arts of Belgium (en) ; Union of Polish Composers (en)
Mugimendua	musika klasikoa
Genero artistikoa	opera; sinfonia
Musika instrumentua	pianoa
Diskoetxea	Naxos (en) ; Chandos Records (en)
Sinesmenak eta ideologia
Erlijioa	judaismoa
	tansman.lodz.pl

Alexander Tansman (Łódź, Polonia, 1897ko ekainaren 12a - Paris, 1986ko azaroaren 15a) frantses musikagilea izan zen, orkestra-zuzendaria eta piano-jotzailea, jatorriz poloniarra. Garrantzi handiko lana egin zuen musika politonalaren teknikaren sorreran. Ikasketak Varsoviako Unibertsitatean egin zituen. Poloniako konposizioko lehenengo eta bigarren sariak eman zizkioten. Parisa joan zen bizitzera, eta bertako musika-giroan sartu zen berehala. 1937an frantses hiritartasuna hartu zuen. Bigarren Mundu Gerran Estatu Batuetan bizi izan zen, eta 1946an Frantziara itzuli zen. Piano-jotzaile eta orkestra-zuzendari gisa hainbat bira egin zituen Austria, Japonia eta Estatu Batuetan zehar. Lehenengo lanetan intimitate-sakontasuna nabarmena bada ere, Parisa joan zenetik, era sinfonikoa hautatu zuen, eta neoklasizismoaren eragin nabarmena izan zuen. Europako musika-giroarekin harremana izan zuen garaian, Stravinskiren estetika modan zegoen. Azken musikagile horri jarraituz, zenbait lan egin zituen, hala nola, Sinfonia do minorren. Ravelen eragina ere antzematen da Tansmanen lanetan. Bere lanetan dantzarik ez dago, baina erritmo hirutarra behin eta berriro agertzen da; hala gertatzen da, esate baterako, Hogei pieza erraz poloniar herri-melodiaz. Herri-erritmoak ere erabili zituen Sonatina txirularako, Bost inpromptusak eta Bigarren laukotea lanetan. Lan ugari egin zituen Tansmanek, besteak bete, zazpi sinfonia, zazpi opera (Gau kurdua, 1925-1927) eta balletak (Hiri handia, 1932).

Erreferentziak

Wikimedia Commonsen badira fitxategi gehiago, gai hau dutenak: Alexander Tansman

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q550218
Multimedia: Alexandre Tansman / Q550218