Vasili Rozanov
Vasili Vailievitx Rozanov (Vetluga, 1856ko maiatzaren 2agreg./apirilaren 20ajul. - Mosku, 1919ko otsailaren 5a) errusiar filosofoa, kritikaria eta idazlea izan zen.
| Vasili Rozanov | |
|---|---|
 | |
| Bizitza | |
| Jaiotza | Vetluga (en)  , 1856ko maiatzaren 2a |
| Herrialdea |  Errusiar Inperioa  Errusiako Sobietar Errepublika Sozialista Federatiboa |
| Heriotza | Sergiev Posad, 1919ko otsailaren 5a (62 urte) |
| Hobiratze lekua | Hirutasunaren eta San Sergioren Lavra |
| Familia | |
| Ezkontidea(k) | Polina Suslova (en) (1880 - ezezaguna) |
| Hezkuntza | |
| Heziketa | Faculty of History and Philology of Moscow University (en) Moskuko Ubiertsitate Inperiala |
| Hizkuntzak | errusiera |
| Jarduerak | |
| Jarduerak | filosofoa, literatura-kritikaria, kazetaria, idazlea eta iritzi-kazetaria |
| Influentziak | Fiodor Dostoievski, Konstantin Leontiev (en) , Pavel Ivanovich Melnikov (en) eta Nikolay Strakhov (en) |
| Mugimendua | Filosofia kontinentala |
Biografia
aldatuEtxe oneko semea zen eta Moskuko unibertsitatean egin zituen historia-ikasketak. Historia- eta geografia-irakasle jardun zuen aldi batez, baina horretarako bokaziorik ez zuela eta, literatura-lanetan murgildu zen. 1880an Polina Suslovarekin, Fiodor Dostoievskiren aurreneko maitalearekin, ezkondu zen.
1890ean argitaratu zuen Dostoievskiren lanei buruzko lehen lan kritikoa. 1880. urtetik aurrera San Petersburgon bizi izan zen eta kristauen eta juduen erlijioaren aurka panfleto ugari plazaratu zuen, izadiaren harmonian oinarrituriko erlijio baten eta joera eslavisten alde.
1899tik aurrera utzi zioten Novoye vremya (Garai berriak) egunkari kontserbadorean idazten eta 1905etik aurrera huts egindako iraultza saioaren alde idatzi zuen Russkoye slovo (Errusiarren hitza) egunkari progresistan.
1912an argitaratu zuen obra gorena, Uyedinnye, pochti na pravakh rukopisi (Bakarkako gogoetak, ia bakartasunean inprimatuak), errefrauz eta saiakera laburrez osatua.
1917ko iraultza ondorengo egunetan Moskutik hurbil zegoen monasterio batera joan zen eta han hil zen bi urteren buruan, eliza ortodoxoarekin adiskidetu ondoren.
Wikimedia Commonsen badira fitxategi gehiago, gai hau dutenak: Vasili Rozanov  |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q719418
Multimedia: Vasily Rozanov / Q719418