Ur eskasia Afrikan

Ur eskasia Afrikan urtetako arazoa izan da ia kontinente osoan. Egoera horren kausa nagusiak urritasun fisikoa eta ekonomikoa, biztanleriaren hazkunde azkarra eta klima aldaketa dira.

Arazoaren definizioa

Ur eskasia esaten denean ur eskari estandarra betetzeko ur gezako baliabideak aipatu nahi izan dira. Saharaz hegoaldeko Afrikan euri uraren hornidura ugari izan arren, sasoikoa da eta irregularki banatzen da; horrek uholdeak eta lehorteak eragiten ditu. Gainera, pobrezia arazoek, biztanleriaren hazkunde bizkorrarekin eta landa-urbanizazioarekin batera, Saharaz azpiko Afrika munduko eskualde txiroena bihurtu dute.^[1] Afrikan uraren urritasuna 2025. urterako maila arriskutsu lortzea espero da. Munduko biztanleriaren bi heren gutxi gorabehera ere 2025. urterako ur eskasia jasan dezakeela kalkulatzen da.^[2]^[3]

Ondorio batzuk

Lehorteak hainbat urte iraun du, eta, horren ondorioz, uzta asko galdu dira eta abereak hiltzen jarraitu da. Hori dela eta, familiek beste diru-iturri batzuk bilatu behar izan dituzte, nahiz eta horretarako herrixkak utzi eta komunitate handiagoetara jo elikagai bila. Krisi-garaietako migrazio horiek haurren zaurgarritasun-maila handitzen dute, eskolara joan ezin direnak eta, batzuetan, familietatik bereizten direnak. Ildo horretatik, UNICEFek espero du komunitate-mailan lehortearen arazoari aurre eginez herritarrak beren etxeak ez uztera animatzea.^[4]

Nekazaritzarako eta Elikagaietarako Nazio Batuen Erakundearen 2012ko txostenaren arabera, ur-eskasia handitzea da orain garapen iraunkorrerako erronka nagusietako bat. Izan ere, gero eta ibai-arro gehiagok ura galdu du nekazaritzaren eta beste sektore batzuen eskarien ondorioz. Ur-eskasiak Afrikan dituen ondorioak honako hauek dira: osasuna (batez ere emakumeei eta haurrei eragiten die), hezkuntza, nekazaritza-produktibitatea, garapen iraunkorra eta uraren inguruan gatazka gehiago sortzeko potentziala.^[5]

Konponbide baten bila

Afrikako ur eskasiari behar bezala heltzeko, Afrikarako Nazio Batuen Batzorde Ekonomikoak azpimarratzen du beharrezkoa dela Afrikan egon daitezkeen baliabide hidrikoen garapenean inbertitzea, horrela, beharrezkoa ez den sufrimendua murrizteko, elikagaien segurtasuna bermatzeko eta finantza-irabaziak babesteko, lehorteen eta uholdeen eta desertizazioaren kudeaketa eraginkorraren bidez. Iradokitako eta egiten ari diren ahaleginetako batzuen artean, putzuetako azpiegiturak eta ur garbia biltegiratzeko sistemak eta tankeak bultzatzea dago.^[6]

Erreferentziak

↑ «International Decade for Action: Water for Life 2005-2015». [1]
↑ «Water Scarcity | Threats | WWF». World Wildlife Fund.[2]
↑ https://www.hiru.eus/eu/geografia/africa-medio-fisico/-/journal_content/56/21564/4439622
↑ https://www.consumer.es/eu/solidaridad-eu/lehortea-afrikan.html
↑ FAO (2012). Coping with water scarcity - An action framework for agriculture and food security, FAO, Erroma. [3]
↑ https://repository.uneca.org/handle/10855/25038?locale-attribute=en&

Kanpo estekak

Ura: guztion ardura, Nazio Batuen Uraren Garapenari buruzko Munduko II, Txostena.
(Ingelesez):International Decade for Action Water for Life 2005-2015.
(Ingelesez):Webdossier Water in Africa (2012).^{[Betiko hautsitako esteka]}

Datuak: Q7973731

[1] «International Decade for Action: Water for Life 2005-2015». [1]

[2] «Water Scarcity | Threats | WWF». World Wildlife Fund.[2]

[3] ttps://www.hiru.eus/eu/geografia/africa-medio-fisico/-/journal_content/56/21564/4439622

[4] ttps://www.consumer.es/eu/solidaridad-eu/lehortea-afrikan.html

[5] FAO (2012). Coping with water scarcity - An action framework for agriculture and food security, FAO, Erroma. [3]

[6] ttps://repository.uneca.org/handle/10855/25038?locale-attribute=en&

[1]

[2]

[3]

[4]

[5]

[6]