Saitama

Saitama; さいたま市; さいたま市 (Saitama-shi)
	izendaturiko hiria
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Kantō; Saitama
Alkatea	Hayato Shimizu (en)
Izen ofiziala	さいたま市
Jatorrizko izena	さいたま市
Herriburua	Urawa-ku (en)
Geografia
Koordenatuak	35°51′41″N 139°38′44″E / 35.8614°N 139.6456°E
Azalera	217,4 km²
Mugakideak	Ageo (en) , Kawaguchi, Asaka (en) , Kawagoe, Shiki (en) , Toda (en) , Hasuda (en) , Fujimi (en) , Warabi (en) , Kasukabe (en) , Koshigaya eta Shiraoka (en)
Demografia
Biztanleria	1.325.843 (2021eko martxoaren 1a); 61.864 (2015)
Dentsitatea	5664 bizt/km²
Informazio gehigarria
Sorrera	2001eko maiatzaren 1a
Telefono aurrizkia	048
Ordu eremua	UTC 09:00
Hiri senidetuak	Toluca de Lerdo, Zhengzhou, Nanaimo (en) , Pittsburgh, Hamilton eta Minamiaizu (en)
	http://www.city.saitama.jp/index.html www.city.saitama.jp

Saitama (japonieraz: さいたま市, Saitama-shi^?) Japoniako erdialdean dagoen hiria da, Honshuko uhartearen ekialdeko kostaldean dagoena eta izen bera duen Saitama prefeturako hiriburua. 1.231.880 biztanle ditu eta Japoniako 10. hiri handiena da.

Geografia

Tokio erdigunetik 20-30 kilometro iparraldera kokaturik dago, Kantō lautadaren erdialdean. Erabat laua da eta lurraldearen zatirik gehiena itsas mailatik 20 m beherago dago. Arakawa ibaiak eta Shiba ibaiak zeharkatzen dute hiria.

Historia

Saitama 2001eko maiatzaren 1ean sortu zen Urawa, Ōmiya eta Yono herriak elkartzean. 2005ean laugarren herri bat hartu zuen, Iwatsuki.

Urawa (浦和): Edotik Kiotora zihoan Nakasendō errepidearen posta izan zen Edo Aroan. 1923ko lurrikara handiak Tokio suntsitu zuenean intelektual ugari bertara etorri ziren bizitzera. 1934ean hiri estatusa lortu zuen.
Ōmiya (大宮): Hikawa Jinja santutegiaren inguruan sortu zen.
Yoko (与野): 1889an sortu eta 1958an hiri izendatu zuten.
Iwatsuki (岩槻): 1954ean hiri bihurtu zen eta 2005ean Saitaman barneratu zen.

Banaketa administratiboa

Hamar auzotan banatzen da hiria:

Chūō-ku (中央区)
Iwatsuki (岩槻区)
Kita-ku (北区)
Midori-ku (緑区)
Minami-ku (南区)
Minuma-ku (見沼区)
Nishi-ku (西区)
Ōmiya-ku (大宮区)
Sakura-ku (桜区)
Urawa-ku (浦和区)

Ekonomia

Tokio Handiko merkatal eta negozio hiri handienetakoa da. Hainbat lantegi mota daude bertan, ezagunena Honda automobil konpainia, bertan egiten da Honda Legend kotxea.