Madison Square Garden

Madison Square Garden, ohi MSG laburtua, AEBetako New York hirian dagoen kirol pabilioi bat da. Toki horretan eraiki zen laugarren eraikina da. Lehen bi koliseoak Madison Plazan (Madison Square) egon ziren, nondik izena datorkion. Bigarrena bota eta hirugarren koliseo bat eraiki zen 50 kalea eta 8. etorbidearen arteko gurutzaketan. Egungo MSG 33. kalea eta 7. etorbidearen arteko gurutzaketan dago.

Madison Square Garden
Irudi gehiago
Kokapena
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Koordenatuak	40°45′02″N 73°59′37″W
Historia eta erabilera
Berrikuntza	1989 - 1991
Berrikuntza	2011 - 2013
Eraikuntzaren hasiera	1964ko urriaren 29a
Inaugurazioa	1968ko otsailaren 11
Jabea	Madison Square Garden Sports (en)
Kudeatzailea	Altice USA
Izenaren jatorria	Madison Square Madison Square Garden
Kirola	saskibaloia Izotz hockeya borroka profesionala boxeoa
Erabiltzailea	New York Rangers 1968 New York Knicks 1968 New York Liberty (en) 1997 - 2010 New York Liberty (en) 2014 - 2017 St. John's Red Storm men's basketball (en) 1969 St. John's Red Storm women's basketball (en)
Edukiera	19.812, 18.006, 18.500, 20.000 eta 20.789
Arkitektura
Arkitektoa	Charles Luckman Ellerbe Becket Charles Luckman Associates (en)
Eraikitzailea	Turner Construction (en) Del E. Webb Construction Company (en)
Egitura ingeniaritza	Severud Associates (en)
Ordezkatzen du	Madison Square Garden
Kontaktua
Helbidea	4 Pennsylvania Plaza, Manhattan, New York 10001, N.Y.
Webgune ofiziala

Egungo operazioak

Egungo kantxa New York Knicks (gizonezkoen saskibaloia), New York Rangers (izotz hockeya) eta New York Liberty (emakumezkoen saskibaloia) taldeek euren etxeko partidak jokatzen duten tokia da. "Barnum anaien zirkua" ere hartzen du New Yorken ezartzen denean, Saint John unibertsitateko "Red Storm" saskibaloi taldearen partidak eta pertsona kopuru handia egotea eskatzen duen beste edozein gertakari, 2004ko Errepublikar Konbentzioa kasu.

MSGk boxeo borrokak ere hartzen ditu. Historiako borrokarik garrantzitsuenetako asko Madison Square Gardenen ospatu ziren. Don King eta Bob Arum promotoreek boxeoa Nevadako Las Vegas hirira eraman aurretik, Madison Square Garden zen boxeoaren meka. WWEk ditu estadio honetan borroka libre profesionaleko borrokak antolatzeko eskubidea.

Eserleku kopurua

Madison Square Gardenen eserleku kopurua bost mailatan banatzen da. Beherenengo mailako eserlekuak gorri kolorekoak dira, eta, jarraian, laranja, hori, berde eta urdin kolorekoak. Ikuskizunen batzuetan, are baxuagoa den maila bat jartzen da, "biribilgunea" deritzona. Kolore eskema hau ez da jarraikakoa izan "blue seats" (eserleku urdinak) esaera zaletuen jokaera basatiaren sinonimo baitzen, bereziki hockey partidetan.

Historia

Lehendabiziko Madison Square Garden eraiki zen lokala New York Harlemekin lotzen zuen tren enpresaren pasaiari geltokia izan zen. Linea hau 1871n Grand Central Terminalera pasa zenean, tokia P. T. Barnumi saldua izan zen eta "Barnum's Monster Classical and Geological Hipodrome" izeneko hipodromo bihurtua. 1876an Gilmore's Garden izenarekin berrizendatua izan zen.

Madison Square Garden estadioaren barnealdea New York Rangers izotz hockey taldearen partida batean.

Willyam Henri Vanderbiltek izena Madisone Square Gardenera aldatu zion, eta koliseoa 1879ko maiatzak 26an berrireki zuen 26. kalea eta Madison etorbidearen arteko gurutzean. Lehen koliseoa txirrindularitzarako eraikia izan zen, eta bigarrena eraikitzeko bota zuten.

Bigarren Madison Square Garden Stanford Whitek diseinatu zuen, gero bertan hila izango zena. 1890ean ireki zuen eta 1925ean bota zuten arte mantendu zen. 1968ko otsailak 11n hirugarren Madison Square Gardenek bere ateak itxi zituen eta laugarren Madison Square Garden inauguratu zen, egungoa.

Madison Square Garden bertatik pasa ziren musika talde bikainen filmazioetarako erabili zen, Paul McCartney, Led Zeppelin bere The Song Remains the Same izeneko bere filmean, handik Cream taldea ere pasa zen bere agur kontzerturako, Carlos Santana ere zenbait aldiz pasa da handik, baita Eric Clapton ere bere barkako taldearekin, eta ospe handiko beste zenbait artista, Michael Jackson, Madonna, Lady Gaga, The Jonas Brothers, Taylor Swift, Miley Cyrus, Black Eyed Peas, Justin Bieber, The Who, KISS, Gorillaz, Arcade Fire, LCD Soundsystem, Rocío Jurado, Shakira eta Sandro kasu beste askoren artean.

Ikus, gainera

• Madison Square Garden I
• Madison Square Garden II
• Madison Square Garden III

Kanpo estekak

• Madison Square Garden pabilioiaren webgunea (Ingelesez)

• Datuak: Q186125
• Multimedia: Madison Square Garden / Q186125