José María Sánchez-Silva

José María Sánchez-Silva
Bizitza
Jaiotzako izen-deiturak	José María Sánchez-Silva y García-Morales
Jaiotza	Madril, 1911ko azaroaren 11
Herrialdea	Espainia
Heriotza	Madril, 2002ko urtarrilaren 13a (90 urte)
Hezkuntza
Hizkuntzak	gaztelania
Jarduerak
Jarduerak	idazlea, kazetaria, haur literaturaren idazlea, gidoilaria eta film-zuzendaria
Jasotako sariak	ikusi Hans Christian Andersen sariak (1968) ; Mariano de Cavia' Price ; Cisneros Ordenaren Gurutze Handia (1959) ; Gold Medal of Work Merit (2000) ; Alfontso X.a Jakitunaren Ordenako Gurutze Handia (1968) ; Meritu Zibileko Ordenaren Gurutze Handia (1964) ;
Genero artistikoa	haur literatura

José María Sánchez-Silva García-Morales (Madrid, 1911ko azaroaren 11 - ibidem, 2002ko urtarrilaren 13a) espainiar idazle eta kazetaria izan zen.

Biografia

Ama hil zitzaionean ekonomia-egoera larrian gelditu zen, eta kalean eskean ibili behar izan zuen, harik eta El Pardoko umezurtz etxean sartu zuten arte. Ondoren adinez nagusi ez zirenentzako hainbat erakundetan egon zen, eta takigrafia eta mekanografia ikasi zituen. Hamazazpi urte zituela takigrafo gisa hasi zen Madrilgo udaletxean lanean.

1934an idatzi zuen bere lehenengo ipuin liburua, El hombre de la bufanda (Bufanda zuen gizona). 1939an Espainiako Gerra Zibilaren ondoren kazetari gisa hasi zen Arriba Falangeko aldizkarian, eta haren zuzendariorde izatera iritsi zen. 1957an Literaturako Sari Nazionala lortu zuen eta 1968an Hans Christian Andersen domina. Lan ugari idatzi zituen eta bere Marcelino Pan y Vino (1952) istorioaren ehun edizio baino gehiago argitaratu ziren. Berak idatzi zuen izen bereko filmerako gidoia 1954an; filmak ere berebiziko arrakasta izan zuen. Pertsonaia horri buruz hainbat lan idatzi zituen ondoren, hala nola, Historias menores de Marcelino Pan y Vino (1953, Marcelino Pan y Vinoren kontakizun txikiak) eta Aventura en el cielo de Marcelino Pan y Vino (1954, Marcelino Pan y Vinoren abentura zeruan).

Lan hautatuak

Marcelino Pan y Vino (1953)
Primavera de papel (1953)
Historias de mi calle (1954)
Fábula de la burrita Non (1956)
Tres novelas y pico (1958)
Adiós, Josefina (1962)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q59675