Iberia Arraun Elkartea
Iberia Arraun Elkartea Sestaoko Iberia auzoan 1944. urtean sorturiko arraun kluba da[1].
| Iberia Arraun Elkartea | |
|---|---|
| Sorrera | 1944 |
| Herria |  Sestao, Bizkaia
|
| Lehendakaria | Eleder Martínez
|
| Entrenatzailea | Javier Maiz
|
| Patroia(k) | Urko Marin
|
| Kolorea(k) | berdea eta gorria |
| Trainerua | Hojalatera |
| Palmaresa | 2 Kontxako Bandera 0 TKE Liga 0 Espainiako Txapelketa 0 Euskadiko Txapelketa 1 Bizkaiko Txapelketa |
| 2024: Kontxa | ez |
| 2023: Liga | ez |
| Webgunea | www.facebook.com |
Sortu eta lehenengo bi hamarkadetan batel eta trainerillatan Espainiako titulu ugari irabazi zituen eta traineruarekin ere baditu Kontxako Bandera bi, bigarrena herri bereko Kaikurekin batera izan bazen ere. 1950. hamarkadan Bizkaian arraunari eutsi zion elkarte bakarra izan zen eta Kontxako Banderan[2] eta Bilbon ezezik Coruñan ere jokatu eta irabazi zituen estropadak. Galizian Educación y Descanso de Bilbao izena erabili zuen sarritan. Espainiako traineru txapelketarik ez zuen irabazi baina bederatzi aldiz izan zen bigarrena[3].
Azken urteetan arazo handiak ditu trainerua ateratzeko.
Beteranoen trainerua badu eta maila onean ari da. ABE Ligan bigarren eta Euskadiko txapelketan hirugarren postuak lortu izan ditu.
Uniformea
aldatuBerde argia, marra eta letra gorriekin, bai elastikoak eta baita Hojalatera trainerua ere.
Historia
aldatuSestaoren arraun historia oso luzea da. 20 eta 30. hamarkadako Bizkaiko estropadetan herriko hainbat talde aritu ziren arraunean, hala nola Kaiku eta gerora futbolean arituko zen Sestao Sport.
Urrezko aroa
aldatuTaldea 1944 urtean sortu zen Sestaoko La Iberia auzoan, zehatzago esanda "El Alubiero" tabernan. Berehala hasi zen ontzi txikietan emaitza bikainak lortzen eta 1950. hamarkadan aldiz Sestaoko (eta Bizkaiako) traineru nagusia izan zen, Espainiako batel eta trainerilla txapelketa ugari lortuz eta trainerutan Kontxako Bandera eta A Coruñako Generalísimo Kopa famatuak irabaziz, bai eta Espainiako Traineru Txapelketan 9 aldiz bigarren postua lortuz ere. 1954 urtea bereziki izan zen ona klubarentzat, Emilio Carrerasek patrontzarako Andoni Arraiz gaztea hautatu zuen eta honek 21 urte baino ez zituen arren lehenik Coruñako bandera eta ondoren Kontxakoa irabazi zituen[4].
1959an Kaikurekin bat eginda Sestao izena erabiliz bigarren Kontxako Bandera irabazi zuen Iberiak. Azken garaipena 1966ko Bizkaiko Traineru Txapelketa izan zen. 1970an Algortaren aurkako desafioa jokatu zuen Algortan eta erraz nagusitu zen.
Talde apala
aldatu1970. hamarkadatik gaur egunera arazo handiak izan ditu eta urte gutxi batzuetan baino ez du trainerua uretaratu. Azken denboraldia 2002an izan zuen.
2014 denboraldirako Castreñarekin akordioa lortu zuen. Bien arteko baturari esker bi traineru uretaratu zituzten KAE Ligan. Lehen mailan Castreña izenarekin aritu ziren eta bigarren mailan Castro-Iberia izenarekin. Elkarketa puntuala zen eta Castrok 24 arraunlari eta Iberiak 14 jarri zituzten. 2015ean bakarrean ekin zion[5] eta babeslerik ez duen arren aurrera jarraitu zuen 2016an ere. 2017an lortu zuen azkenengo aldiz trainerua ateratzea.
Palmaresa
aldatu- Txapelduna (2): 1954 eta 1959*.
- Bigarrena (0)
- Hirugarrena (1): 1950.
- Txapelduna (0)
- Bigarrena (9): 1952, 1955, 1957, 1958, 1959, 1960, 1963, 1964 eta 1966.
- Hirugarrena (2): 1951 eta 1961.
- Txapelduna (1): 1966.
- Hirugarrena (2): 1973, 1998.
Gainontzeko estropadak
aldatu- Generalisimoaren Kopa (A Coruña) (2): 1953 eta 1954.
- Bizkaitarren Promozio Bandera (1): 1985
- Algorta-Iberia desafioa (1): 1970.
Trainerillak
aldatu- Espainiako Trainerilla Txapelketa (4): 1950, 1951, 1955 eta 1961.
- Bizkaiko Trainerilla Txapelketa (2): 1966 eta 1970.
- Bermeoko trainerilla estropadak (5): 1948, 1954, 1955, 1957 eta 1966.
Batelak
aldatu- Espainiako Batel Txapelketa (6): 1945, 1946, 1950, 1952, 1954 eta 1955.
- Bizkaiko Batel Txapelketa (2): 1967 eta 1985.
Azken denboraldiak
aldatu| Urtea | Liga |
|---|---|
| 2014 | KAE 2 Liga, 14.a (Castreña-Iberia) |
| 2015 | KAE 2 Liga, 14.a |
| 2016 | KAE 2 Liga, 11.a |
| 2017 | KAE 2 Liga, 17.a |
| 2018 | ez |
Beteranoak
aldatu| Iberia Arraun Elkartea | |
|---|---|
| Palmaresa | 0 ABE Liga 0 Euskadiko Txapelketa 0 Bizkaiko Txapelketa |
| 2024 | 10.a (ABE Liga) |
2019an abiatu zuen ibilbidea, Bizkaiko txapelketan bigarren eta Euskadikoan hirugarren eginez. 2020an etenaldia etorri zen COVID-a9 pandemiaren erruz eta 2021ean Ligan hartu zuen parte. 2022an bigarren txapeldunordea izan den ABE Ligan.
- ABE Traineruen Liga (0): bigarren 2022an
- Euskadiko Traineru Txapelketa (0): hirugarren 2019an eta 2021ean.
- Euskadiko distantzia luzeko traineru txapelketa (0): hirugarren 2020an.
- Bizkaiko Traineru Txapelketa (0): bigarren 2019an.
Denboraldiak
aldatu| Urtea | ABE Liga | Euskadiko txap. |
|---|---|---|
| 2019 | - | 3.a |
| 2020 | - | - |
| 2021 | 6.a | 3.a |
| 2022 | 2.a | 8.a |
| 2023 | 8.a | 7.a |
| 2024 | 10.a |
Erreferentziak
aldatu- ↑ «C.R. IBERIA» traineras.es (Noiz kontsultatua: 2024-06-01).
- ↑ (Gaztelaniaz) «Iberia gana la bandera de la Concha. 1954.» Sestao en el Recuerdo. 2012-12-06 (Noiz kontsultatua: 2024-06-01).
- ↑ «KAIKU Sociedad Deportiva de Remo - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2024-06-01).
- ↑ (Gaztelaniaz) «Iberia» LA BANCADA DEL REMO 2015-03-09 (Noiz kontsultatua: 2018-06-12).
- ↑ (Gaztelaniaz) Lecea, Un reportaje de Jokin Victoria de. (2015-08-08). «Iberia vuelve a sacar la trainera al agua tras más de una década sin competir» Deia (Noiz kontsultatua: 2024-06-01).
Ikus, gainera
aldatuErreferentziak
aldatuKanpo estekak
aldatu
Datuak: Q2980094