Wikipedia

Felix Iñurrategi

euskal mendigoizalea

Felix Iñurrategi Iriarte (Aretxabaleta, Gipuzkoa, 1967ko apirilaren 1a - Gasherbrum II mendia, 2000ko uztailaren 28a) euskal alpinista izan zen.

Felix Iñurrategi

Bizitza
JaiotzaAretxabaleta, 1967ko apirilaren 1a
Herrialdea Gipuzkoa, Euskal Herria
Lehen hizkuntzaeuskara
HeriotzaGasherbrum II, 2000ko uztailaren 28a (33 urte)
Heriotza moduaistripuzko heriotza
Familia
Haurrideak
Hezkuntza
Hizkuntzakeuskara
gaztelania
Jarduerak
Jarduerakmendigoizalea

Alberto Iñurrategi anaia gazteagoarekin batera mendigoizaleen artean eta mundu mailan oso bikote ezaguna osatu zuen urteetan zehar 1990eko hamarkadan, zoritxarreko istripu batek Pakistango iparraldean heriotza ekarri arte, Euskal Herrian oihartzun handia izan zuena.

Biografia

aldatu
 
Lehen bertso eskoletako ikasleak Manuel Olaizola 'Uztapide' bertsolariarekin, 1983ko maiatzaren 14an. Felix Iñurrategi maisu zaharraren atzean, lehen lerroan.
 
1988ko Nafarroako Bertsolari Txapelketa
 
Maitane Azurmendiren ilustrazioa

Felix Iñurrategi 1967ko apirilaren 1ean jaio zen Aretxabaletan. Bertsotan trebea zen.[1] Atarrabian nekazaritza alorreko ingeniaritza-ikasketak bete zituen. Halaber, bertsolaritzan ere trebezia erakutsi zuen nerabetan.

Felixek, anaia Albertok bezala, mendia gustuko zuen eta "Murrukixo Mendizale Elkartea"rekin ibiltzen hasi zen. Ondoren, Albertorekin batera eskalada eta mendian Euskal Herritik kanpo ere ibiltzen hasi zen. Europan, 1987 eta 1988 artean Alpeak ezagutu zituzten, eta gero Ipar Amerikara abiatu ziren: Yosemite Parke Nazionala izan zen hurrengo deskubrimendua anaientzat, 1989an: El Capitan (The Nose, Zodiac eta Lurking fear bideak) eta Half Dome (Regular bidea) mendiak.

AEBetatik Himalaia aldera egin zuten azkenik, eta 1990ko irailaren 29an igo ziren Pumori tontorrera (7.161 m), kataluniar talde batekin batera. Hurrengo urtean, Makalura igo ziren bi anaiak Kukuczka bidetik Felipe Uriarterekin. 1992an, Everestera iritsi ziren, munduko sabaira, hegoaldeko ohiko bidetik eta oxigeno gehigarririk gabe. Urte bat geroxeago, K2 mendira igotzen saiatu ziren, ipar ertzetik, arrakasta barik. 1994an lortu zuten "mendi basati"-ra heltzen, Cesen bidetik, Juanito Oiarzabalekin batera, besteak beste.

1995ean bi tontor erdietsi zituzten ohiko bidetik bi asteko tartean: Cho Oyu eta Lhotse. 1996an ere binaka igo zituzten, britainiarren bidetik kasu bietan: Kanchenjunga Juanitorekin eta Shishapangma Josu Bereziartuarekin.

1997an, Broad Peakera eskalatu zuten ohiko bidetik, bide berri bat zabaltzen saiatu ostean. Urte hartan bertan Aoraki/Cook mendia igo zuten (Zeelanda Berria), "Al filo de lo imposible" telebistako saioarekin. Negu hartan, birritan saiatu ziren Manaslura igotzen, bietan lortu ez zuten arren.

1998an, ahalegin handiarekin, Dhaulagiriko tontorrera iritsi ziren, Oiarzabalekin batera. Urte berean, Gyala Bari zazpimilakora saiatu ziren igotzen, alferrik.

1999ko uztailean, Nanga Parbat mendian, bi anaiek parte hartu zuten mendizale kolonbiar baten erreskatean, tontorrera egun batzuk geroago igo baino lehen.[2] Hori dela eta, Gipuzkoako Foru Aldundiak omendu zituen.

2000ko udaberrian, azkenean, Manasluko gailurrera heldu ziren. Hamabi zortzimilako igotzea lortu zuen, azkena Gasherbrum II izan zen urte hartako uztailaren 28an. Baina tontorretik jaisten ari zela, 400 metrotik behera amildu zen eta bertan hil.[3] Haren gorpua Gasherbrum IIn bertan dago.

Igotako zortzimilakoak

aldatu
 
1995, Aiurri

Honako hauek dira Felixek igo zituen zortzimilakoak:

Munduko beste tontorretan

aldatu

Omenaldiak

aldatu
« Irratiak eman zuen

elur-jauzien abisu,
baina zuk ametsarekin
horrenbeste konpromisu
bazendun, ta holakotan
egoskor bat dirudizu;
aurrera segiko zendun,
beti egin dezu berdintsu.
Bizitzan ilusioa
herioren paradisu;
gero arte esaten ere
ez didazu utzi, aizu;
ta zuri azken hitz batzuk
esan nahiean naukazu,
karta bat egingo dizut,
akaso jasoko dezu.

»
  • 2020an, Felixen heriotzaren 20. urteurrenean, "Iñurrategi anaiak" izenburuko komikia kaleratu zuten omenaldi gisa, biografiaren errepaso zabala eginda.[5]

Lotutako bibliografia

aldatu
  • "Bihar ere argituko dik, Felix" (Alberto Iñurrategi, Asier Aranguren eta Andoni Egaña, 2001).
  • "Patagonia. Haizearen orratzak" (Alberto Iñurrategi, 2001).[6]
  • "Hire Himalaya" (Alberto Iñurrategi, 2003).
  • "Gure Himalaya" (Alberto Iñurrategi, 2004).

Erreferentziak

aldatu
  1. ↑ Eizagirre, Estitxu. «Bertso eskolek 25 urte» Argia.
  2. ↑ "Al filo de lo imposible y los hermanos Iñurrategui en el campo base del Nanga Parbat (8.125 metros)".
  3. ↑ "Muere Felix Iñurrategi al descender del Gasherbrum II" (Barrabes).
  4. ↑ "Non geratzen den denbora" (Youtube).
  5. ↑ "Iñurrategi anaiak. Mendiari bihotz emanak" (Txalaparta).
  6. ↑ "Patagonia. Haizearen orratzak". On-line ikus-entzuteko.

Ikus, gainera

aldatu

Kanpo estekak

aldatu
"https://eu.wikipedia.org/w/index.php?title=Felix_Iñurrategi&oldid=9979697"(e)tik eskuratuta